जळगाव (प्रतिनिधी) रोटरी क्लब ऑफ जळगाव आयोजित देशभक्तीपर समूह गीत गायन स्पर्धा आज दि.10 ऑगस्ट (शनिवार) रोजी व.वा. वाचनालय,जळगाव येथे आयोजित करण्यात आली होती. या समूहगीत गायन स्पर्धेत मोठ्या गटात आर.आर.विद्यालय, जळगाव यांच्या समूहाने प्रथम क्रमांकाचे पारितोषिक पटकावले.
या समूहगीत गायन स्पर्धेत जळगाव शहर व तालुक्यातील एकूण 23 शाळांनी सहभाग नोंदविला. या स्पर्धेत मोठ्या गटात आर.आर.विद्यालय, जळगाव यांच्या समूहाने प्रथम क्रमांकाचे पारितोषिक पटकावले. या विद्यार्थ्यांना विद्यालयाचे संगीत शिक्षक संजय शिरसागर सर व संजय पिले सर यांचे मार्गदर्शन लाभले. प्रथम क्रमांक प्राप्त सर्व विद्यार्थ्यांचे शाळेचे मुख्याध्यापक, उपमुख्याध्यापक, सर्व शिक्षक बंधू भगिनी व शिक्षकेतर कर्मचारी यांनी कौतुक केले आहे.
