मुंबई (वृत्तसंस्था) सलग सहाव्या दिवशी पेट्रोल-डिझेलच्या दरात वाढ झाली आहे. त्यामुळे पेट्रोलच्या डिझेलच्या दरात दिवसेंदिवस अशीच वाढ सुरु राहिली तर इंधनाचे दर लवकरच शंभरी गाठतील यात शंका नाही. पेट्रोलच्या दरात २८ पैशांनी वाढ झाली आहे. तर डिझेलच्या दरात ३४ पैशांनी वाढ झाली आहे. तर देशात पेट्रोल आणि डिझेलची दरवाढ कायम आहे.
आंतरराष्ट्रीय बाजारात तेलाच्या वाढत्या किमतीमुळे इंधन दरवाढ होताना दिसत आहे. मात्र कच्च्या तेलाची किंमत पुन्हा कमी होऊ शकते, ज्यामुळे इंधनांच्या किंमतीतही घसरण होण्याची शक्यता वर्तवला जात आहे. मात्र सध्याच्या स्थितीत पेट्रोल डिझेलच्या वाढत्या दरांमुळे नागरिकांचा खिसा रिकामा होताना दिसतोय. पेट्रोल-डिझेलच्या किमती वाढल्याने इतर जीवनावश्यव वस्तूच्या किमतीतही वाढ होताना दिसते.
मुंबई
पेट्रोल- ९५.१९ रुपये
डिझेल- ८६.०२ रुपये
भिंवडी
पेट्रोल- ९४.८४
डिझेल- ८४.३५
रत्नागिरी
पेट्रोल – ९६.६६
डिझेल – ८६.१६
परभणी
पेट्रोल- ९७.३२ रुपये
डिझेल- ८६.७७ रुपये
पेट्रोलपेक्षा डिझेलच्या दरातील वाढीचा वेग अधिक आहे. त्यामुळे वाहतूकीसाठी टेम्पो, छोटे ट्रक, मालट्रक यांच्या खर्चात मोठी वाढ झाली आहे. दुसरीकडे शेतमालाला भाव नसल्याने शेतातून मार्केटयार्डात भाजीपाला पाठविला तर वाहतूकीचा खर्चही निघत नाही, अशी परिस्थिती अनेक जिल्ह्यात दिसून येत आहे. पेट्रोल, डिझेलच्या भाववाढीने जनता मेटाकुटीस आली असल्याचे दिसून येत आहे.
