नागपूर (वृत्तसंस्था) विरोधी पक्षनेते अजित पवार (Ajit Pawar) यांनी उत्तर महाराष्ट्राला मुख्यमंत्रीपद मिळाले नाही अशी खंत व्यक्त करत असतांना गिरीश महाजन (Girish Mahajan) यांच्या नाव सभागृहात सदस्यांनी घेतले. त्यावेळी अजित पवार यांनी गिरीश महाजन यांची चांगलीच फिरकी घेतली.
राज्यातील सर्व विभागांना मुख्यमंत्रीपद मिळालं परंतु उत्तर महाराष्ट्राला मिळालं नाही, असं अजित पवार म्हणाले. त्यावेळी खालून कुणीतरी गिरीश महाजन यांचं नाव घेतलं. त्यावर अजित दादांनी आपल्या स्टाइलनं गिरीष महाजन यांची फिरकी घेतली. “गिरीश महाजन यांना मुख्यमंत्री पद नाही तर मोठी जबाबदारी द्यायची ठरलं आहे. आंतरराष्ट्रीय स्तरावर पक्ष वाढवण्यासाठी त्यांना जबाबदारी दिली जाणार आहे, त्यांचा संपर्क तसा आहे. युनायटेड नेशनची जबाबदारी महाजन यांना देऊ”, असं म्हणत अजित पवार यांनी तूफान फटकेबाजी केली. अजित पवार यांनी यावेळी गिरीश महाजन यांचे चांगले कॉन्टॅक्ट आहेते ते झटपट लोकांना कॉन्टॅक्ट करतात असं म्हटलं आणि सभागृहात एकच हशा पिकला.
देवेंद्र फडवणीस (Devendra Fadanvis) यांच्या मनातील बाब अजित पवार यांनी सांगून वेगळा विदर्भ करण्याचा विचार करू नका, एक दिलाने महाराष्ट्रात राहू, महाराष्ट्र पुढे घेऊन जाऊ अशी भूमिका अजित पवार यांनी मांडली आहे. अजित पवार वेगळ्या विदर्भाच्या मुद्द्यावर बोलत असतांना देवेंद्र फडणवीस यांना चिमटे काढत होते, मंत्रिमंडळाचा विस्तार यावरून नाराजी व्यक्त करत होते, त्याचवेळी मुख्यमंत्री पद हे राज्यातील सर्व विभागाला मिळाले आहे, पण उत्तर महाराष्ट्राला मिळाले नाही अशी खंत अजित पवार यांनी व्यक्त केली.
