बोदवड (प्रतिनिधी) बोदवड शिवारातील राधेश्याम वर्मा यांच्या शेताजवळील नाल्यात गावठी दारू बनवली जात असल्याची गुप्त माहिती पोलिसांनी मिळाली होती. त्यानुसार पोलिसांनी दारू अड्ड्यावर धाड टाकत दहा हजाराचा मुद्देमाल नष्ट केला आहे.
बोदवड पोलिसांनी आज सकाळी सात वाजेच्या सुमारास धाड टाकून २ ड्रम कच्चे व गरम ४०० लिटर रसायन चालू भट्टी व ६९ लिटर तयार हात भट्टी वरील तयार दारूसह १० हजार ८०० रुपयाचा मुद्देमाल नष्ट केला. ही दारू पाडणारा संतोष लालजी मोरे (वय ५२ रा. भिलवाडा, बोदवड) हा पोलीस येण्याचा सुगावा लागताच फरार झाला असून त्याच्या विरुद्ध महाराष्ट्र दारुबंदी अधिनियम कलम६५ ब,क, फ अन्वये गुन्हा दाखल झाला आहे. जळगाव जिल्हा पोलीस अधीक्षक यांनी गावठी दारू बाबत कारवाई करण्याची मोहीम सुरू केली असून बोदवड येथे सहाय्यक पोलीस निरीक्षक अंकुश जाधव,हे.कॉ .वसंत निकम ,हे.कॉ. संतोष चौधरी पो.ना. तुषार इंगळे ,पो.कॉ.दीपक पाटील ,मुकेश पाटील यांनी ही कारवाई केली. या प्रकरणी पुढील तपास पो. ना. युनूस तडवी करीत आहेत.
