जळगाव (प्रतिनिधी) आज रोजी जी. एम. फाऊडेशनच्या कार्यालयात प्रजाशक्ती क्रांती दलाच्या वतीने होणाऱ्या महाराष्ट्र विधानसभा निवडणुकीत भाजपा महायुतीस पाठींबा देण्यात आला.
महाराष्ट्रात होणा-या आगामी विधानसभा निवडणुकीत प्रजाशक्ती क्रांती दलाच्या (राष्ट्रीय संघटना) वतीने जी.एम. फाउंडेशनच्या कार्यालयात राज्याचे माजी मंत्री तथा भाजपचे जेष्ठ नेते गिरीश महाजन यांच्याकडे महायुतीस पाठीब्यांचे पत्र प्रजाशक्ती क्रांती दलाच्या वतीने राष्ट्रीय अध्यक्ष प्रा. अशोराज तायडे यांच्या हातून देण्यात आले.
यावेळी संघटनेचे राष्ट्रीय सचीव अॅड. सतीष मोरे, राज्य अध्यक्ष डॉ. अमोल बावस्कर, प्रभारी राज्य महिला अध्यक्षा ज्योती प्रवार, मराठवाडा विभागीय अध्यक्ष मजणु पठाण, उपाध्यक्ष अशोक कराळे, मराठवाडा विभागीय महिला अथक्षा भारतीताई कदम, पश्चिम महाराष्ट्र विभागीय अध्यक्ष राजेंद्र गायकवाड, विभागीय महिला अध्यक्षा मीनाताई रहींजा, विदर्भ विभागीय अध्यदा कैलाश निघोट, कोकण विभागीय अद्यक्ष धम्मपाल ठाकरे, उत्तर महाराष्ट्र विभागीय अधक्ष अॅड. समीर तडी, महानगर अध्यक्ष प्रा. पंकज सपकाळे, गहिनीनाथ वाघ, गजानन काळे, यशंवत पडोळ, रेहाना शेख, कवीता बोरडे, निलेश जाधव, किशोर शिंदे जिल्हा अध्यक्ष व पदाधिकारी उपस्थित होते.
यावेळी पाठिंबात प्रजाशक्ती क्रांती दलाच्या वतीने चार मागण्या पत्रात करण्यात आल्या १) शेतमजुरांची गणना करणे २) शेत मजुरांसाठी स्वतंत्र महामंडळ सुरु करणे ३) सरकारी दवाखान्याची ओ.पी.डी बारा तास सतत सुरु ठेवणे ४) शेतकऱ्यांना चोवीस तास विज उपलब्ध करुन देणे अशा मागण्या पाठीबा पत्रात करण्यात आल्या होत्या.
सदर मागण्या या लोकाभिमुख असुन महायुतीचे सरकार आल्यास त्या पूर्ण करण्याचे आश्वासन महायूतीकडुन भाजपाचे जेष्ठ नेते गिरिष महाजन यांनी दिले. महायुतीचे सरकार हे गोर गरिबांचे सरकार असून लाडकी बहीण योजना ही माय- माऊली साठी संजीवनी असल्याचे प्रा. अशोराज तायडे या वेळी बोलले. प्रजाशक्ती क्रांती दल हे राष्ट्रीय संघटन असुन राज्यात ३ लाख ५० हजाराहून अधिक सक्रीय कार्यकर्ते हे संघटनेत आहे आणि आमचे सर्व कार्यकर्ते व पदाधिकारी हे मोठ्या ताकदीने होणा-या निवडणुकीत महायुती सोबत असतील व महायुतीला भरघोस मताधिक्याने विजयी करु असेही प्रा. अशोराज तायडे यावेळी बोलले.
