पहूर (प्रतिनिधी) ‘अंडापाव खाऊन झाल्यावर पैसे दिले नाही’ या कारणावरून दोन तरुणांना चाकू सारख्या धारदार हत्याराने जीवे ठार मारण्याचा प्रयत्न केल्याची घटना जामनेर तालुक्यातील पहूर पेठ येथे घडली. याप्रकरणी पहूर पोलीस स्थानकात तिघांविरुद्ध गुन्हा दाखल करण्यात आला आहे.
विलास कडूबा पांढरे (वय ५५ खंडेराव नगर, पहूर पेठ ता. जामनेर) यांनी दिलेल्या फिर्यादीनुसार, दि. २९ मे २०२२ रोजी जामनेर तालुक्यातील पहूर पेठ ग्रामपंचायतच्या गाळ्याजवळ अंडापावच्या गाडीवर रोहित दिपक थोरात उर्फ चिक्या, शुभम रमेश पाटील (वय १९), बंडू एकनाथ पाटील (सर्व रा.पहूर पेठ तालुका जामनेर) यांनी विलास पांढरे यांच्या भावास अंडापाव खाऊन झाल्यावर पैसे दिले नाही. या कारणावरून त्यांनी विलास पांढरे याचा भाऊ सतीश पांढरे याच्या पोटावर, व डावे खांद्यावर तसेच त्याचा मित्र राहूल गणेश भोंडे याचे पाठीवर व कंबरेवर चाकू सारख्या धारदार हत्याराने मारून जिवे ठार मारण्याचा प्रयत्न केला. याप्रकरणी पहूर पोलीस स्थानकात तिघांविरुद्ध गुन्हा दाखल करण्यात आला असून पुढील तपास पोलीस उपनिरीक्षक अमोल गर्जे हे करीत आहेत.
