जळगाव (प्रतिनिधी) शहरातील श्रीराम स्टेट बँक कॉलनीतील सागर अपार्टमेंट मधील एका घरातून रोख रक्कमेसह सोने-चांदीचे दागिने, असा एकूण ३ लाख २८ हजार ४०० रुपयांचा मुद्देमाल चोरी झाल्याची घटना उघडकीस आली आहे. याप्रकरणी जिल्हापेठ पोलिस ठाण्यात अज्ञात चोरट्याविरुद्ध गुन्हा दाखल करण्यात आला आहे
यासंदर्भात ज्योती प्रमोद पाटील (वय ५२, रा. निर्णय सागर अपार्टमेंट प्लॉट नं २ स्टेट बँक कॉलनी, रिंग रोड जळगाव) यांनी दिलेल्या फिर्यादीनुसार, दि. २९ मे २०२२ रोजी कोणीतरी अज्ञात चोरट्याने ज्योती पाटील यांचे तसेच बाजूस राहणारे छाया प्रकाश (महाजन वय ५८) यांच्या बंद असलेल्या घराचा कडीकोयंडा तोडून घरात प्रवेश केला. त्यानंतर घरातील बेडरूममध्ये ठेवलेल्या गोदरेज कपाटाचा लॉक तोडून कपाटातील लॉकर मध्ये १ लाख ९४ हजार रोख रक्कम, २५ हजार रुपये किंमतीचे सोने-चांदीचे दागिने, असा एकूण ३ लाख २८ हजार ४०० रुपयांचा मुद्देमाल फिर्यादीचे संमती वाचून लबाडीचा इराद्याने चोरी करून नेले. याप्रकरणी जिल्हापेठ पोलिस ठाण्यात अज्ञात चोरट्याविरुद्ध गुन्हा दाखल करण्यात आला असून पुढील तपास पोलीस उपनिरीक्षक गणेश देशमुख हे करीत आहेत.
