नवी मुंबई (वृत्तसंस्था) नवी मुंबई पोलिसांनी एका बारवर धाड टाकली असून अनधिकृत हुक्का पार्लरवर कारवाई केली आहे. यात तब्बल २११ तरुण-तरुणींना ताब्यात घेण्यात आले आहे. नवी मुंबई गुन्हे शाखेनं शनिवारी रात्री ही कारवाई केली आहे.
शहरातील कॅफे पाम अटलांटिस या बारवर ही कारवाई करण्यात आली. कॅफे पाम अटलांटिस बारमध्ये अनधिकृतपणे हुक्का पार्लर सुरू होता. शनिवारीचा सुट्टी दिवस असल्यामुळे बारमध्ये हुक्का पार्टीचे आयोजन करण्यात आले होते. याची माहिती नवी मुंबई पोलिसांच्या गुन्हे शाखेला मिळाली. त्यानंतर पोलिसांनी या बारवर छापा टाकला. तेव्हा गर्दी पाहून पोलीसही हैराण झाले. या बारमध्ये जंगी हुक्का पार्टी सुरू होती. या पार्टीमध्ये तब्बल २११ तरुण, तरुणींचा समावेश होता. पोलिसांनी या सर्वांना ताब्यात घेतले आहे.
