जळगाव, (प्रतिनिधी) : मुख्यमंत्री सहायता निधीसाठी केंद्रीय क्रीडा व युवक कल्याण राज्यमंत्री रक्षा खडसे यांनी १० लाख रुपयांचा धनादेश जिल्हा प्रशासनाकडे सुपूर्द केला. सोमवारी (२८ सप्टेंबर) जळगाव येथील जिल्हाधिकारी कार्यालयात हा धनादेश सुपूर्द करण्यात आला.
मुख्यमंत्री सहायता निधीच्या माध्यमातून आर्थिकदृष्ट्या दुर्बल व गरजू नागरिकांना विविध गंभीर आजारांवरील वैद्यकीय उपचारांसाठी आर्थिक मदत उपलब्ध करून दिली जाते. या निधीमुळे आर्थिक अडचणींमुळे उपचार घेण्यात अडथळे येणाऱ्या रुग्णांना दिलासा मिळतो. या सामाजिक उपक्रमासाठी रक्षा खडसे यांनी १० लाख रुपयांचा निधी दिला असून, हा धनादेश जिल्हा प्रशासनाकडे सुपूर्द करण्यात आला.
