जळगाव (प्रतिनिधी) राज्य सामाईक प्रवेश परीक्षा कक्ष, महाराष्ट्र राज्य, मुंबई यांचेमार्फत घेण्यात येणारी राज्य सामाईक प्रवेश परीक्षा, २०२० (MHT-CET) ही ऑनलाईन पध्दतीने १ ऑक्टोबरपासून जळगाव जिल्ह्यात घेण्यास सुरुवात झाली आहे. अशी माहिती जिल्हादंडाधिकारी अभिजीत राऊत यांनी दिली आहे.
या परिक्षा केंद्राचे ठिकाणी गैरप्रकार होऊ नये व त्याठिकाणी शांतता व सुव्यवस्थेस बाधा निर्माण होऊ नये यासाठी खबरदारीचे उपाय म्हणून जिल्हादंडाधिकारी, जळगाव अभिजीत राऊत यांनी फौजदारी प्रक्रिया संहिता १९७३ चे कलम १४४(१) (२) खाली प्रदान करण्यांत आलेल्या अधिकारानुसार खालीलप्रमाणे आदेश निर्गमित केले आहे. दि. १ ते ९ ऑक्टोबर व दिनांक १२ ते २० आक्टोंबरपर्यंत पेपर सुरु झाल्यापासून ते संपेपर्यंतच्या कालावधीसाठी जिल्ह्यातील सर्व परिक्षा केंद्राचे १०० मीटर परिसरात कोणीही प्रवेश करु नये. सदरचे आदेश परिक्षार्थी, नियुक्त कर्मचारी, अधिकारी, पोलीस, होमगार्ड यांचेसाठी लागु होणार नाही. तसेच परिक्षा केंद्रा जवळच्या 100 मीटर परिसरातील सर्व सार्वजनिक टेलीफोन/ एस.टी.डी/ आय.एस.डी/ फॅक्स केंद्र/ झेरॉक्स दुकाने, कॉम्प्युटर दुकाने व ध्वनीक्षेपक पेपर सुरु असलेल्या कालावधीसाठी बंद ठेवण्यात यावेत. असे जिल्हादंडाधिकारी जळगाव अभिजीत राऊत यांनी एका प्रसिध्दी पत्रकान्वये कळविले आहे.
