अमळनेर (प्रतिनिधी) साने गुरुजी ग्रंथालय व मोफत वाचनालय अमळनेर येथे माजी राष्ट्रपती ए.पी.जे अब्दुल कलाम यांच्या जयंतीनिमित्त वाचन प्रेरणा दिवस उत्साहपूर्ण वातावरणात नुकताच साजरी करण्यात आला.
यावेळी वाचनालयाचे वाचन प्रेमी रियाजखान पठाण यांच्या हस्ते डाँ. ए.पी.जे अब्दुल कलाम यांच्या प्रतिमेचे पूजन करण्यात आले. कार्यक्रमाचे प्रस्ताविक वाचनालयाचे संचालक ईश्वर महाजन यांनी केले. वाचनालयाचे संचालक ईश्वर महाजन म्हणाले की, डाँ. ए.पी.जे अब्दुल कलाम यांचे कार्य तमाम भारतीयांना प्रेरणादायी आहे. त्यांचा जन्मदिवस हा संपूर्ण देशात वाचन प्रेरणा दिवस म्हणून साजरा केला जातो. त्यांचे विचार देशाला महासत्ता बनतील, असे त्यांनी सांगितले.
यावेळी पूज्य साने गुरुजी ग्रंथालय व मोफत वाचनालय अमळनेर अध्यक्ष दिलीप सोनवणे, उपाध्यक्ष प्रा. डॉ माधुरी भांडारकर, चिटणीस प्रकाश वाघ, जेष्ठ संचालक भीमराव जाधव, ईश्वर महाजन, ग्राहक कल्याण फाऊंडेशनचे जिल्हाध्यक्ष हेमंत भांडारकर, वाचनालयाचे कर्मचारी वर्ग व वाचक वर्ग उपस्थित होता.
