फैजपूर (प्रतिनिधी) जळगाव जिल्ह्यातील कनिष्ठ महाविद्यालयीन शिक्षकांचे वेतन सीएमपी प्रणालीतून दरमहा एक तारखेला राष्ट्रीयकृत बँकेतून होणेबाबत संबंधित यंत्रणेला निर्देश देणे संदर्भातील निवेदन पालकमंत्री ना. गुलाबराव पाटील यांना जळगाव जिल्हा कनिष्ठ महाविद्यालयीन शिक्षक संघटनेच्यावतीने देण्यात आले.
जळगाव जिल्ह्यातील उच्च माध्यमिक कनिष्ठ महाविद्यालयीन शिक्षकांच्या वेतनासाठी निधी उपलब्ध नसल्याचे कारण दाखवून संबंधित शिक्षकांचे वेतनास सातत्याने विलंब होत आहे. त्यामुळे विमा, व गृहकर्ज हप्ते भरण्यास विलंब होत असून अतिरिक्त दंडाचा भुर्दंड सोसावा लागत आहे. तसेच निधी उपलब्ध झाला तरी जिल्हा परिषदेच्या ढिसाळ कारभारामुळे शिक्षक वेतनापासून वंचित राहत आहेत. सबब जालना जिल्ह्याच्या धर्तीवर सीएमपी प्रणालीद्वारे शिक्षकांचे वेतन दरमहा एक तारखेला राष्ट्रीयकृत बँकेतून होणेबाबत संबंधित यंत्रणेला निर्देश देणे संदर्भातील निवेदन पालकमंत्री ना. गुलाबराव पाटील यांना जळगाव जिल्हा कनिष्ठ महाविद्यालयीन शिक्षक संघटनेच्यावतीने दि. १८ जून २१ रोजी जिल्हा उपाध्यक्ष प्रा. अतुल इंगळे, ज्येष्ठ सहकारी प्रा. उत्तमराव सुरवाडे, प्रा. अनिलराव वाघ यांनी दिले.
