जळगाव (प्रतिनिधी) श्रीराम पाटलांसारखा हक्काचा माणूस दिल्लीत पाठवण्यासाठी त्यांना विजयी करा, असे आवाहन राष्ट्रवादी काँग्रेस पक्षाचे जिल्हाध्यक्ष अॅड. रविंद्र पाटील यांनी केले. राष्ट्रवादी काँग्रेस शरदचंद्र पवार गटाचे उमेदवार श्रीराम पाटील यांचा उमेदवारी अर्ज दाखल झाल्यानंतर ते पत्रकारांसोबत बोलत होते.
अॅड. रविंद्र पाटील पुढे म्हणाले की, रावेर लोकसभा मतदारसंघातील मविआचे उमेदवार श्रीराम पाटील हे सर्वसामान्य माणासांमध्ये मिसळणारे व्यक्तीमत्व असून साधी राहणीमान त्यांची आहे मतदारसंघाला न्याय देण्याची त्यांची भुमिका राहिल. हक्काचा माणूस दिल्लीत पाहिजे यासाठी श्रीराम पाटील यांना विजयी करा. श्रीराम पाटील यांचा शेतीशी संबधित आभ्यास असून ठिंबक सिंचन मध्ये त्यांचे कार्य फार मोठे आहे.
केळी उत्पादक शेतकऱ्यांना न्याय देण्यासाठी ते कठिबध्द राहतील त्यामागचे कारण म्हणजे केळी उत्पादकांचे हाल ते पाहत आहेत एकंदरीत शेतकरी हिताचा निर्णय घेणारे हे व्यक्तीमत्व असून मतदारसंघात सर्वमान्य लोकांमध्ये मिसळणारे व जनतेच्या मनातील ते उमेदवार असल्याने श्रीराम पाटील हे प्रचंड मतांनी विजयी होतील असा विश्वास व्यक्त करीत आपला माणूस श्रीराम पाटील यांना विजयी करण्याचे आवाहन अॅड रविंद्र पाटील यांनी केले आहे.
