जळगाव (प्रतिनिधी) राज्यात स्थापन झालेल्या व्हाइस ऑफ मीडियाच्या जिल्हाध्यक्षपदी ज्येष्ठ पत्रकार सुरेश उज्जैनवाल यांची नियुक्ती करण्यात आली आहे.
नियुक्ती पत्रात म्हटले आहे की, आपण खूप गतीने कामकराल. पत्रकारांच्या आणि पत्रकारितेच्या सर्वांगीण विकासासाठी आपण काम करणार आहोत. मूल्याधारित पत्रकारिता हीविचारधारा कायम राहावी. ज्या पत्रकारितेच्या जीवावर या सृष्टीचा डोलारा चालतो, ती पत्रकारिता शाबूत राहावी, सुरक्षित राहावी, यासाठीच आपण काम करणार आहोत. आपल्यावर दिलेली जबाबदारी आपण पार पाडाल, ही अपेक्षा आहे. आपल्या कार्यक्षेत्रात असणाऱ्या सर्व तालुक्यांत ११ जणांची कार्यकारिणी करावी.
जिल्ह्याच्या ठिकाणी २१ जणांची कार्यकारिणीकरून पुढील कामास गती द्यावी. आपले मनस्वी अभिनंदन आणि पुढील वाटचालीसाठी मनःपूर्वक शुभेच्छा..! संस्थेचे अध्यक्ष तथा संपादक संदीप काळे यांनी ही निवड केली. राज्यातील ५० ज्येष्ठ संपादकांनी एकत्र येऊन ही संस्था स्थापन केली आहे. पत्रकारांना सक्षम करण्याच्या उद्देशाने संस्था काम करीत आहे.
