धरणगाव (प्रतिनिधी) पत्नीच्या डोक्यात लाकूड टाकून खून केल्याचा धक्कादायक घटना धरणगाव तालुक्यातील खर्दे येथे घडली आहे. विठाबाई नामदेव जाधव असे मयत विवाहितेचे नाव आहे. याप्रकरणी आरोपी पतीला धरणगाव पोलिसांनी अटक केली असून पोलिसात खूनाचा गुन्हा दाखल केला आहे.
यासंदर्भात अधिक असे की, विठाबाई जाधव (रा. कुशेळावाडी ता. मानगाव जि. रायगड हल्ली मुक्काम खर्दे ता. धरणगाव) या पती नामदेव रामा जाधव यांच्यासह वास्तव्याला आहे. खर्दे येथील विट भट्टीवर काम करून उदरनिर्वाह करतात. ३० डिसेंबर रोजी सायंकाळी ४ वाजेच्या सुमारास पत्नी विठाबाई जाधव व तो असे दोघं दारू प्यायलेले होते. याचदरम्यान, नामदेवने विभट्टीसाठी कोळसा व गवत आण असे सांगितले. परंतू पत्नीने त्याला दारूच्या नशेत शिवीगाळ केली. याचाच राग आल्याने नामदेव याने जवळ पडलेला लाकडी दांडा उचलून विठाबाईच्या डोक्यात व चेहऱ्यावर मारून तिला बेशुद्ध केले. दरम्यान जखमी अवस्थेत नामदेव जाधव यांनी पत्नीला साप चावल्याचा बनाव करून रुग्णालयात दाखल केले होते. चेहऱ्यावरील घाव व मारहाण याचा प्राथमिक अंदाज पाहून पोलिसांनी संशय व्यक्त केला. त्यामुळे याप्रकरणी नामदेव जाधव यांना पोलिसांनी ताब्यात घेऊन चौकशी केली असता त्याने गुन्ह्याची कबुली दिली. याप्रकरणी संशयित आरोपी नामदेव जाधव याच्या विरोधात धरणगाव पोलीस ठाण्यात खुनाचा गुन्हा दाखल करण्यात आला आहे. पुढील तपास सहाय्यक पोलीस निरीक्षक गणेश अहिरे करीत आहे. दरम्यान, धरणगाव पोलिसांनी आरोपीचा सर्प दंशाचा बनाव उघड करत त्याला ब बेड्या घातल्या आहेत.
सुरुवातीला पतीने सर्पदंशाचा बनाव केला होता. परंतू पोलिसांनी योग्य तो तपास करून आरोपीला अटक केली आहे. आज आरोपीला कोर्टात हजर करणार आहोत.
-शंकर शेळके
पोलीस निरीक्षक, धरणगाव
