भुसावळ (प्रतिनिधी) एका गावातील रहिवासी असलेल्या साडेतीन वर्षीय बालिकेचे शाळेच्या व्हॅन चालकाने लैंगिक शोषण केल्याची संत्पाजनक घटना उघडकीस आली. या प्रकरणी भुसावळ बाजारपेठ पोलीस ठाण्यात नवीन भारतीय न्याय संहिता कायद्यानुसार पोस्को अॅक्ट अंतर्गत गुन्हा दाखल करण्यात आला असून संशयित आरोपीला अटक करण्यात आली आहे.
पिडीत मुलगी १ व २ जुलै रोजी शाळेत जात असताना व्हॅन चालक संशयित प्रसाद हिरासिंग चौधरी याने या साडेतीन वर्षीय बालिकेचे लैंगिक शोषण केले हा प्रकार बालिकेने गुरुवारी आईला सांगितल्यानंतर ही उघडकीस आला आहे. या प्रकरणी बालिकेच्या आईच्या फिर्यादीवरून बाजारपेठ पोलीस ठाण्यात चालक प्रसाद चौधरी यांच्यावर विनयभंग व पोक्सो अंतर्गत कलम ६४, ६५ (२), २, ३, ४, ५, ६ यासह अनुसूचित जाती अत्याचार अधिनियम अंतर्गत गुन्हा दाखल झाला आहे. या घटनेमुळे भुसावळ तालुक्यात खळबळ उडाली आहे. या घटनेचा तपास उपविभागीय पोलिस अधिकारी कृष्णकांत पिंगळे यांच्या मार्गदर्शनात बाजार पेठचे स.पो.नि. गजानन पडघम करत आहेत
