चाळीसगाव (प्रतिनिधी) सध्या संपूर्ण देशात पेट्रोल आणि डिझेलचे दर प्रचंड प्रमाणात वाढले असून या भाववाढीमुळे सर्वसामान्य नागरिक होरपळून निघत आहे. मोदी सरकारने आश्वासित केलेले अच्छेदिन तसेच केंद्र सरकारच्या विरोधात प्रचंड मोठ्या प्रमाणावर जनआक्रोश सुरू असल्याने या दरवाढीच्या निषेधार्थ आज चाळीसगाव येथील शिवसेनेच्या वतीने कृषी उत्पन्न बाजार समिती चाळीसगाव समोर निदर्शने करून आंदोलन करण्यात आले.
यावेळी केंद्र सरकारच्या निषेधाच्या घोषणा देऊन शेतकऱ्यांच्या आंदोलनाची खिल्ली उडवणाऱ्या रावसाहेब दानवे यांचादेखील निषेध करण्यात आला. यावेळी शिवसेनेचे उपजिल्हाप्रमुख रोहिदास पाटील, तालुकाप्रमुख रमेश आबा चव्हाण, तालुका प्रवक्ते दिलीप घोरपडे, तालुका संघटक सुनील गायकवाड, विधानसभा क्षेत्र प्रमुख भीमराव खलाणे, उपतालुकाप्रमुख तुकाराम पाटील, शैलेंद्र सातपुते, युवासेनेचे रवींद्र चौधरी, रामेश्वर चौधरी, जगदीश महाजन, रघुनाथ कोळी, प्रभाकर उगले, अनिल राठोड, दिलीप पाटील, प्रकाश चौधरी, वशिम चेअरमन सचिन ठाकरे, दिनेश घोरपडे, चंद्रकांत नागणे, नकुल पाटील, गणेश भवर, रॉकी धामणे, मधुकर कडवे, राजेंद्र प्रेमदास पाटील, शाहरुख शहा, मुन्ना शहा, संमत कुरेशी, मज्जिद डॉन, गबा अण्णा, भैय्यासाहेब नन्हेराव आदी उपस्थित होते. तर याच वेळी मजरे येथील सुरेश हिलाल पाटील, राजू दादा दिघोळे, हिरामण गुलाब पवार, खंडेराव हिलाल पाटील, समाधान अशोक पाटील, गोपीचंद संपत पाटील, यांनी शिवसेनेत प्रवेश केला असून त्यांना शिवबंधन घालून स्वागत करण्यात आले.
