मुंबई (वृत्तसंस्था) सरकारने पेट्रोल आणि डिझेलच्या दरात 80 पैशांनी वाढ केल्यानंतर आता एलपीजीच्या दरातही 50 रुपयांनी वाढ करण्यात आली आहे. नवीन दर आजपासून लागू होणार आहेत. आजपासून दिल्लीत घरगुती एलपीजी सिलिंडरची किंमत 899.50 रुपयांवरून 949.5 रुपये झाली आहे.
कोणत्या शहरात घरगुती सिलिंडरचे दर किती वाढले
6 ऑक्टोबर 2021 नंतर घरगुती LPG सिलिंडरचे दर वाढले आहेत. मुंबईत घरगुती सिलिंडरची किंमत 949.50 रुपये इतकी झाली आहे. तर कोलकता येथे घरगुती सिलिंडरची किंत 976 रुपये असणार आहे. चैन्नईमध्ये घरघुती सिलिंडरचे दर 965रुपये असणार घरघुती सिलिंडरचे दर 6 ऑक्टोबर 2021 रोजी वाढवण्यात आले होते. त्यानंतर एलपीजीच्या घरगुती सिलिंडरमध्ये करण्यात आलेली ही पहिलीच दरवाढ आहे.
पेट्रोल आणि डिझेलच्या दरातही वाढ
अनेक दिवसांनी डिझेल-पेट्रोलच्या दरातही पुन्हा एकदा वाढ झाली आहे. डिझेल आणि पेट्रोलच्या दरात प्रतिलिटर 80 पैशांनी वाढ झाली आहे. वाढलेले दर आजपासून (मंगळवार) लागू झाले आहेत.
मुंबईत आज पेट्रोलचे दर 110.77 रुपये इतके आहेत. तर डिझेलची किंमत 94.94 रुपये इतकी आहे.
नागपूरमध्ये आज पेट्रोलची किंमत 110.53 रुपये इतकी आहे. तर 93.35 इतकी रुपये आहे.
जागतिक बाजारपेठेतही कच्च्या तेलाचे दर वाढले आहेत. रशिया युक्रेन युद्धाआधी कच्च्या तेलाचे दर 100 डॉलरच्या खाली होते. आज ते 118 डॉलर प्रति बॅरल इतके आहेत.
सर्वसामान्यांना मोठा फटका
व्यावसायिक सिलिंडरच्या किमती सातत्याने वाढत आहेत आणि ऑक्टोबर 2021 ते 1 मार्च 2022 दरम्यान व्यावसायिक सिलिंडरच्या किमतीत 275 रुपयांनी वाढ झाली आहे, ज्याचा परिणामही दिसून येत आहे. आता घरगुती एलपीजी सिलिंडरच्या दरात वाढ झाल्याने सर्वसामान्यांना मोठा फटका बसला आहे.
