धक्कादायक ! पोलीस वसाहतीच्या आवारात सापडला कुजलेला मृतदेह

जळगाव (प्रतिनिधी) – जिल्हापेठ पोलीस ठाण्याच्या
शेजारी पोलीस वसाहतीच्या आवारात सुरक्षा भिंतीजवळ कुजलेल्या अवस्थेत पुरुषाचा मृतदेह मिळून आल्यामुळे खळबळ माजून गेली आहे. रस्त्यावरुन येणाऱ्या जाणाऱ्यांसह शेजारी असलेल्या हॉस्पिटलमध्ये हा उग्र वास येत असल्यामुळे ही घटना रविवारी दुपारी दीड वाजेच्या सुमारास उघडकीस आली. पोलिसांनी मयताच्या अंगात असलेल्या टी-शर्टवरुन त्या इसमाचा शोध घेतला असता, तो भिखारी असल्याचे समजले. मात्र अद्याप देखील त्याची ओळख मात्र पटलेली नाही.

शहरातील जिल्हापेठ पोलीस ठाण्याच्या शेजारी असलेल्या पोलीस वसाहतीमध्ये बांधकाम सुरु आहे. वसाहतीच्या रस्त्यालगत असलेल्या संरक्षण भिंतीजवळ शनिवारी उग्र वास येत होता. परंतू कुठेही काहीही दिसून येत नसल्याने त्यांनी दुर्लक्ष केले. मात्र रविवारी सकाळपासून कुजलेला वासा अतीशय उग्रपणे येत असल्यामुळे रस्त्याच्या पलीकडे असलेल्या हॉस्पिटलमधील मेडीकल चालकाने महापालिकेत तक्रार केली होती. त्यानुसार महापालिकेच्या आरोग्य विभागाची घंटागाडी याठिकाणी आली. त्यामधील कर्मचाऱ्यांनी भिंतीच्या पलीकडे बघितले मात्र त्यांना काहीही दिसून आले नाही.

उग्र वासामुळे दिसला मृतदेह

जिल्हापेठ पोलीस ठाण्याच्या भिंतीला लागून दक्षता पेट्रोल पंपर असून याठिकाणी असलेल्या स्वच्छता गृहाची साफसफाई करण्यासाठी कर्मचारी याठिकाणी आला. त्याला देखील कुजलेला मृतदेहाचा उग्र वास आल्याने त्यांनी पोलीस मुख्यालयात जावून बघितले. यावेळी त्याला पुरुषाचा कुजलेल्या अवस्थेत मृतदेह दिसून आला.

बांधकाम करणाऱ्या मजूरांची चौकशी

पोलीस मुख्याच्या संरक्षक भिंतीलगत मृतदेह मिळून आल्यामुळे रस्त्यावरुन येणाऱ्या कोणी तो फेकला असावा, किंवा भिंत ओलांडतांना तो पडला असावा यासह अनेक शक्यता पोलिसांकडून वर्तविल्या जात आहे. तसेच पोलीस मुख्यालयात इमारतीचे बांधकाम सुरु असून याठिकाणी अनेक परप्रांतीय मजूर काम करीत आहे. त्या मजूरांपैकी कोणी असावा याकरीता बांधकाम साईटवरील मजूरांची जिल्हापेठ पोलिसांकडून चौकशी केली जात आहे.

पंचनामा करुन मृतदेह रुग्णालयात दाखल

सफाई कर्मचाऱ्याने याबाबत पेट्रोल पंपावरील कर्मचाऱ्यांना सांगितल्यानंतर त्यांनी तात्काळ घटनेची माहिती जिल्हापेठ पोलीसांना दिली. त्यानुसार पोलीस ठाण्याचे प्रभारी सपोनि अनिल वाघ, उपनिरीक्षक गोपाल देशमुख, शांताराम देशमुख, पोहेकॉ महेंद्र पाटील, राहुल पाटील, तेजस मराठे, विशाल सैंदाणे, गोविंद साबळे यांच्यासह कर्मचारी घटनास्थळी दाखल झाले.