लखनौ (वृत्तसंस्था) उत्तर प्रदेशातील (Uttar Pradesh) कुशीनगरमध्ये 4 मुलांचा मृत्यू झालाय. एकाच दिवशी 4 मुलांचा मृत्यू झाल्यानं खळबळ उडालीय. मृतांमध्ये दोन मुलं आणि दोन मुलींचा समावेश आहे. दारात टॉफी चाॅकलेट (Toffee Chocolate) फेकण्यात आली होती आणि ती मुलांनी खाल्ल्यानं त्यांचा मृत्यू झाल्याचा आरोप नातेवाईकांनी केलाय.
ही धक्कादायक घटना कसया पोलीस ठाण्याच्या हद्दीतील सिसईच्या लठऊर टोला येथे घडली आहे. पोलिसांनी सांगितले की, अनुसूचित जमाती (लठऊर) शी संबंधित असलेल्या दोन कुटुंबातील चार मुलांचा बुधवारी सकाळी मृत्यू झाला. कुटुंबीयांनी सांगितले की, चारही मुलांनी घराच्या बाहेर फेकलेली चॉकलेट खाल्ले होती. मृत्युमुखी पडलेल्यांमध्ये दोन मुले आणि दोन मुलींचा समावेश आहे. या घटनेमुळे संपूर्ण गावात खळबळ उडाली आहे.
मृत मुलांच्या नातेवाईकांनी सांगितले की, सकाळी ७ वाजता घराच्या दरवाजावर कुणीतरी चॉकलेट फेकली होती. ही चॉकलेट्स एका मुलीने उचलली. त्यानंतर चारही मुलांनी ती खाल्ली त्यामुळे चारही मुलांचा मृत्यू झाला. मृत मुलीच्या आईने सांगितले की, दारात पडलेले चॉकलेट मुलांनी वाटून खाल्ले त्यानंतर पाच मिनिटांनी मुले तडफडायला लागली. त्यांना तातडीने जिल्ह्या रुग्णालयात नेण्यात आले. मात्र तिथे त्यांच्या मृत्यू झाला. हे चॉकलेट दारात कुणी टाकले हे आम्हाला माहिती नाही, असेही तिने सांगितले.
