नवी दिल्ली (वृत्तसंस्था) आपण ज्या जगात राहतो त्या जगाशिवाय आणखी एक जग आता माणसांनीच विकसित केलं आहे ते आभासी जग म्हणजे व्हर्च्युअल वर्ल्ड (Virtual world). याच व्हर्च्युअल वर्ल्ड मेटावर्समध्ये आपल्यावर सामूहिक बलात्कार झाल्याचा दावा एका महिलेने केला आहे. या महिलने सांगितले की, मेटाव्हर्समध्ये सहभागी झाल्यानंतर ६० सेकंदाच्या आतच काही यूजर्सने महिलेच्या अवताराचे शारीरिक शोषण केले.
लंडन येथे राहणाऱ्या नीना जेन पटेल नावाच्या महिलेने याबाबतच खुलासा केला आहे. महिलेने सांगितले की, मेटाव्हर्समध्ये सहभागी झाल्यानंतर एका मिनिटाच्या आतच काही पुरुष युजर्सने त्यांच्या अवताराचे शारीरिक शोषण केले व सर्वांनी मिळून सामुहिक बलात्कार केला. एका ब्लॉग पोस्टमध्ये महिलेने याबाबत माहिती दिली आहे. या ४३ वर्षीय महिलेने सांगितले की, ३-४ पुरुष अवतारांनी शिव्या दिल्या व बलात्कारानंतर फोटो देखील काढले. नीना जेन पटेल यांनी सांगितले की, मेटाव्हर्समध्ये सहभागी झाल्या झाल्या त्यांच्या अवतारावर बलात्कार केला, फोटो काढले व मेसेज करून आक्षेपार्ह्य भाषा वापरली.
त्यांनी सांगितले की, हे एवढे जलद घडली की सेफ्टी बॅरियर योग्य ठिकाणी करण्याचा वेळच मिळाला नाही. तसेच, मेटाव्हर्सच्या फेसबुकच्या या व्हर्जनमध्ये जेवढ्या लोकांनी साइन-इन केले होते, ते सर्व ही घटना पाहू शकत होते. नीना जेन पटेल यांनी या घटनेची माहिती आपल्या ब्लॉग पोस्टद्वारे दिली आहे. यानंतर मेटाने त्यांची माफी मागत काही तांत्रिक समस्येमुळे असे झाले असण्याची शक्यता आहे, असे म्हटले. मेटाचे प्रवक्ते म्हणाले की, मेटाव्हर्सच्या यूजर्सला चांगला अनुभव मिळावा हा प्रयत्न आहे. या प्रकरणाचा तपास करून कारवाई देखील केली जाईल.
