देहरादून (वृत्तसंस्था) एक महिलेनं आपल्या पतीचा प्रायव्हेट पार्ट कापून (Wife Cuts Husband’s Private Part) आधी त्याला नरक यातना दिल्या आणि यानंतर दोरीने गळा घोटून त्याची हत्या केली. ही घटना उत्तराखंडच्या पिथौरागड येथील कोटली पट्टी गावातील आहे.
पिथौरगडच्या कोटली पट्टी दिंगास गावात १३ फेब्रुवारीच्या रात्री ३५ वर्षीय सुनितादेवीने गाढ झोपेत असलेला आपला पती जितेंद्र राम याचा प्रायव्हेट पार्ट ब्लेडने कापला होता. यानंतर जेव्हा तिच्या पती वेदनेनं तडफडत होता, तेव्हा तिने दोरीने गळा आवळून त्याची हत्या केली. सुनितादेवीच्या मुलीने ही संपूर्ण घटना आपल्या डोळ्यांनी पाहिली. यानंतर तिने हा संपूर्ण प्रकार आपल्या चुलत्याला सांगितला. मृत व्यक्तीच्या भावाने माहिती देताच पोलीस घटनास्थळी पोहोचले आणि महिलेला अटक केली. यासोबत ब्लेड आणि दोरीही ताब्यात घेण्यात आली. महिलेला न्यायालयात हजर केल्यानंतर तिला १४ दिवसांची न्यायालयीन कोठडी सुनावण्यात आली आहे.
भांडणानंतर प्रायव्हेट पार्ट ब्लेडने कापला
सुनितादेवीने पोलिसांना सांगितलं की ३८ वर्षीय जितेंद्र राम निवडणुकीचा प्रचार केल्यानंतर १४ फेब्रुवारीला रात्री उशिरा घरी परतला. यानंतर दोघांमध्ये वाद झाला. भांडणानंतर सुनिताने ब्लेडने जितेंद्र रामचा प्रायव्हेट पार्ट कापला. यानंतर तो वेदनेनं तडफडत असतानाच तिने दोरीनं गळा आवळून त्याची हत्या केली. ही संपूर्ण घटना मुलीने आपल्या डोळ्यांनी पाहिल्यानंतर आपल्या चुलत्यांना सांगितली. सुनिताचा असा आरोप आहे की तिचा पती तिला दररोज त्रास देत असे. इतकंच नाही तर अनेकदा त्याने मारहाणही केली होती. यामुळे ती वैतागली होती. याच कारणामुळे तिने हे पाऊल उचललं.