पाचोरा (प्रतिनिधी) तालुक्यातील एका गावात राहणाऱ्या ४० वर्षीय महिलेवर बळजबरीने अमानुष अत्याचार केल्याची घटना समोर आली आहे. एवढेच नाहीतर अत्याचाराचा व्हिडिओ देखील बनविला. याप्रकरणी पिडीत महिलेच्या तक्रारीवरून पिंपळगाव हरेश्वर पोलीस ठाण्यात आबा अंबादास कोळी (रा. घोसला ता. सोयगाव जि.औरंगाबाद) याच्याविरुद्ध गुन्हा दाखल झाला आहे.
यासंदर्भात अधिक असे की, दि. ५ जून रोजी रात्री ९ वाजता ४० वर्षीय महिला घरी एकटी असताना संशयित आरोपी आबा अंबादास कोळी (रा. घोसला ता. सोयगाव जि.औरंगाबाद) हा दुचाकीवर येवून तुला तुझ्या बहिणीच्या घरी सोडतो असे सांगितले. याला नकार दिल्याने शिवीगाळ करून तुझ्या भावासह मुलाला मारून टाकण्याची धमकी देत तिला दुचाकीवर जबरी बसवून घेवून गेला. संशयित आरोपी हा त्यांच्या गावातील शिवरातील शेतातील झाडा खाली तोंडा कपडाचा बोळा कोंबून अत्याचार केला.
अत्याचाराचा व्हिडीओ देखील बनविला
एवढेच नाही तर अत्याचाराचा व्हिडीओ देखील बनविला. त्यानंतर मारहाण करून खिश्यातील भिलावा दगडाने फोडून त्याचे तेल नको त्या ठिकाणी लावून छळ केला. याप्रकरणी पिडीत महिलेच्या फिर्यादीवरून संशयित आरोपी आबा आंबादास कोळी याच्या विरोधात पिंपळगाव हरेश्वर पोलीस ठाण्यात गुन्हा दाखल करण्यात आला आहे. पुढील तपास सहाय्यक पोलीस निरीक्षक महेंद्र वाघमारे करीत आहे.
