दिल्ली (वृत्तसंस्था) दिल्लीत नऊ वर्षांच्या मुलाने सोशल मिडियावर अश्लील व्हिडिओ व्हायरल केल्याची धक्कादायक घटना समोर आली आहे. विशेष म्हणजे हा मुलगा शहरातील एका नामांकित शाळेचा विद्यार्थी असल्याचे सांगण्यात येत आहे.
दिल्लीत सोशल मिडियावर अश्लील व्हिडिओ व्हायरल केल्याचा प्रकार घडला होता. निजामुद्दीन पोलिसांनी गुन्हा दाखल करून तपास सुरू केला, तेव्हा नऊ वर्षांच्या मुलाने चक्क सोशल मिडियावर अश्लील व्हिडिओ व्हायरल केल्याचे समोर आले. मुलाची चौकशी केली असता अनेक धक्कादायक बाबी समोर आल्या. दिल्ली पोलिसांनी मुलाची त्याच्या घरी जाऊन चौकशी केल्याचे सांगण्यात येत आहे. दिल्ली पोलिसांच्या ‘ऑपरेशन मासूम’ अंतर्गत ही बाब समोर आली आहे. ऑपरेशन मासूम अंतर्गत आणखी ९७ जणांना अटक करण्यात आली आहे.
