अहमदनगर (वृत्तसंस्था) अहमदनगर जिल्ह्यातून एक धक्कादायक बातमी समोर आली आहे. जन्मदात्या पित्यानेच आपल्या पोटच्या अल्पवयीन मुलीवर लैंगिक अत्याचार केल्याची घटना उघडकीस आली आहे. याप्रकरणी आरोपी बापाला पोलिसांनी अटक केली आहे.
मिळालेल्या माहितीनुसार, पीडित मुलीची आई बाहेरगावी गेली असताना २८ जुलैच्या रात्री बापाने ११ वर्षीय मुलीवर लैंगिक अत्याचार केले. त्यानंतर पुन्हा काही दिवसांनी दोनवेळा लैंगिक अत्याचार केले. या प्रकरणाची माहिती पीडित मुलीने आईला दिली. पीडित मुलीच्या आईने या प्रकरणी पोलिसांत तक्रार दाखल केली. या तक्रारीच्या आधारे पोलिसांनी तात्काळ कारवाई करत आरोपी बापाला अटक केली आहे.
