भुसावळ (प्रतिनिधी) मध्य रेल्वेच्यावतीने आगामी सण-उत्सवाच्या पार्श्वभूमीवर प्रवाशांची संभाव्य अतिरिक्त गर्दी लक्षात घेता अमरावती- पुणे आणि बडनेरा-नाशिकदरम्यान उत्सव विशेष मेमू ट्रेन चालविण्यात येणार आहे.
गादी क ०१२०९ विशेष मेमू अमरावती येथून ५ ते १९ नोव्हेंबरपर्यंत दर रविवारी आणि बुधवारी १२:४० वाजता सुटेल आणि पुणे येथे दुसऱ्या दिवशी ०२:४५ वाजता पोहोचेल, तर गाडी क्र. ०१२१० विशेष मेमू पुणे येथून ६ ते २० नोव्हेंबरपर्यंत दर गुरुवार आणि सोमवारी सकाळी ६:३५ वाजता सटेल आणि अमरावती येथे त्याच दिवशी सायंकाळी ७:५० वाजता पोहोचेल. या गाडीला अमरावती, बडनेरा, अकोला, मलकापूर, भुसावळ, जळगाव, मनमाड, कोपरगाव, अहमदनगर, दौड कॉल लाईन, उरळी, हडपसर आणि पुणे येथे थांबे असतील.
बडनेरा – नाशिक मेमू !
गाडी क्र. ०१२११ विशेष मेमू बडनेरा येथून दि.६ ते १९ नोव्हेंबरपर्यंत दररोज सकाळी ११:०५ वाजता सुटेल आणि नाशिक येथे त्याच दिवशी सायंकाळी ७:४० वाजता पोहोचेल. गाडी क्र. ०१२१२ विशेष मेमू नाशिक येथून ६ ते १९ नोव्हेंबरपर्यंत दररोज रात्री ९:१५ वाजता सुटेल आणि बडनेरा येथे दुसऱ्या दिवशी ४:३५ वाजता पोहोचेल
