भुसावळ प्रतिनिधी । कोरोना साथीच्या काळातही रेल्वे प्रशासन सावधगिरीने काम करीत असून या गंभीर महामारीच्या काळात मध्य रेल्वे भुसावळ विभागाच्या वाणिज्य विभागाकडून बिना तिकिटे प्रवास करणारे / अनियमित तिकीट यात्रा / ज्येष्ठ नागरिक सवलतीचा गैरवापर हे रोखण्यासाठी अनियमित यात्रा करणाऱ्यांसाठी विशेष तिकीट तपासणी मोहीम राबविण्यात येत आहे.
भुसावळ – मनमाड दरम्यान ट्रेन क्र.01094 , ट्रेन क्रमांक 02779, भुसावळ ते नासिक दरम्यान ट्रेन क्रमांक 02142 , ट्रेन क्रमांक 02534, भुसावळ ते खंडवा दरम्यान ट्रेन क्रमांक 02779 , ट्रेन क्रमांक 01093 , ट्रेन क्रमांक 01016 , ट्रेन क्रमांक 01072 , ट्रेन क्रमांक 02150 , ट्रेन क्रमांक 02541 , या गाडी मध्ये विशेष तिकीट अभियान हे विशेष तिकीट तपासणी निरीक्षक वाय डी पाठक यांच्या मार्गदर्शनाखाली करण्यात आली.
भुसावळचे वरीष्ठ विभागीय वाणिज्य व्यवस्थापक युवराज पाटील यांच्या मार्गदर्शनानुसार व विभागीय वाणिज्य व्यवस्थापक बी. अरुण कुमार यांच्या मार्गदर्शनाखाली 01 सप्टेंबर ते 14 सप्टेंबर या कालावधीत विशेष तिकीट तपासणी मोहीम आयोजित करण्यात आली होती. या मोहिममध्ये एकूण 1338 अनियमित प्रवाशांना दंड आकारण्यात आल आहे. दररोज 15 तिकीट तपासणी कर्मचारी यांनी या प्रवाशांकडून एकूण 12 लाख 16 हजार 270 रूपये दंड वसूल करण्यात आला आहे. या मोहिमध्ये बिना तिकीट प्रवास करणारे 1 हजार 44 केसेस 8 लाख 19 हजार 975 रुपयाचा दंड वसूल, तिकिटांच्या बदलीचे 42 केसेस मधून 61 हजार 340 रुपयाचा दंड वसूल, ज्येष्ठ नागरिक कोट्याचा गैरवापर केल्याबद्दल 177 केसेस मधून 2 लाख 20 हजार 105 रुपयाचा दंड वसूल , निम्न श्रेणी चे तिकीट घेऊन उच्च श्रेणी मधून प्रवास करणारे 75 केसेस मधून 1 लाख 15 हजार 030 रुपयाचा दंड वसूल आकारले गेले आहे. मध्य रेल्वे भुसावळ मंडळाने सर्व प्रवाशांना योग्य तिकिटासह प्रवास करण्याची विनंती केली आहे व कोरोनाला साथीच्या रोगाचा धोका टाळण्यासाठी दिलेल्या सूचनांचे पालन करावे.
