पारोळा प्रतिनिधी । तालुक्यातील भोकरबारी येथील एका वयोवृद्ध व्यक्तीचा विहिरीच्या पाण्यात बुडून मृत्यू झाल्याची दुर्दैवी घटना आज दुपारी उघडकीस आली आहे. याबाबत पोलीस ठाण्यात मृत्यूची नोंद करण्यात आली आहे.
याबाबत अधिक माहिती अशी की, प्रकाश रतन बडगुजर (वय 62) असे मृत शेतकऱ्याचे नाव असून हे (दि.14 सप्टेंबर) रोजी रात्री अकरा वाजता सुनेला मी शोच्छास जातो असे सांगून गेले होते. त्यानंतर ते घरी परतले नाही. सुनेने याबाबत नातेवाईकांना माहिती दिल्याने त्यांचा शोध घेतला होता. त्यातच आज दुपारी बारा वाजता भोकरबारी शिवारातील लक्ष्मण कौतिक पाटील यांच्या शेतातील विहिरीत त्यांचा मृत्यूदेह तरंगताना दिसून आला. पुतण्या रवींद्र बडगुजर यांनी दिलेल्या माहितीवरून पोलीस ठाण्यात आकस्माक मृत्यूची नोंद करण्यात आली आहे. मृत शेतकऱ्याचे पत्नीचे गेल्या पाच वर्षांपूर्वीच निधन झालेले आहे. ते आता विधवा सून व एक नातूसह राहत होते. त्यांच्याकडे एक ट्रॅक्टर व गुरेढोरे देखील होती. ते विहिरीत पडले की त्यांनी आत्महत्या केली. याबाबत मात्र अधिक माहिती समजू शकली नाही. घटनेचा पुढील तपास हवालदार रवींद्र रावते हे करीत आहेत.
