जळगाव (प्रतिनिधी) एका ४६ वर्षीय प्रौढ व्यक्तीने राहत्या घरात गळफास घेऊन आत्महत्या केल्याची धक्कादायक घटना घडली आहे. दरम्यान, या प्रौढ व्यक्तीने आत्महत्या करण्यापूर्वी घरच्यांना मोबाईलवर सुसाईड नोट लिहिली आहे. या सुसाईड नोटमध्ये ९ जणांवर गंभीर आरोप करण्यात आले असून पैश्यांची मागणीही केली आहे. याप्रकरणी जळगाव तालुका पोलीस ठाण्यात नोंद घेण्याचे काम सुरु आहे. दरम्यान, तीन जणांना पोलिसांनी चौकशीसाठी ताब्यात घेतले आहे.
जळगाव शहरातील जीवन नगरातील रहिवाशी असलेले अनिल हरी बडगुजर (वय-४६) रा. जीवननगर ह. मु. वाघनगर येथे एकटेच राहत होते. जि. प. डीआरडीओ विभागातील बचतगट विभागात अनिल बडगुजर हे कंत्राटी पध्दतीने मॅनेजर म्हणून कार्यरत होते. दरम्यान, दि. २६ जानेवारी (सोमवारी) रोजी रात्री ९.३० वाजता वाघ नगर येथील राहत्या घरात त्यांनी गळफास घेवून आत्महत्या केली. त्यांनी आत्महत्या करण्यापूर्वी घरच्यांना मोबाईलवर सुसाईड नोट पाठविली होती. अनिल बडगुजर यांचे वडील हरी बडगुजर आणि भाऊ अमित बडगुजर यांनी लागलीच धाव घेतली मात्र, तोपर्यन्त उशीर झाला होता.
अनिल यांना गेल्या दोन वर्षांपासून त्यांच्याच विभागातील बचत गटातील महिला व कर्मचारी हे विनयभंग आणि बलात्काराचा गुन्हा दाखल करण्याची धमकी देत असल्याचे अनिल यांचे आईवडील, भाऊ आणि दोन बहिणींनी सांगितले. तसेच स्थानिक समितीत अनिल यांच्या विरोधात तक्रार केली होती. ही तक्रार मागे घेण्यासाठी महिला कर्मचारी यांनी ६ लाखांची मागणी केली होती. हि तक्रार मागे घेण्यासाठी ६ लाख रूपये या महिला कर्मचारी यांना दिले. पण तरी देखील तक्रार मागे घेण्यात आली नाही. आणि पुन्हा त्यांच्याकडे ६ लाखांची मागणी करण्यात आली. या त्रासाला कंटाळून आत्महत्या केली असल्याचा आरोप आई लिला बडगुजर, बहिण स्वाती पचलोड यांनी केला आहे. यावेळी त्यांनी दोषींना अटक करण्यात यावी आणि आम्हाला न्याय देण्यात यावा अशी मागणी केली आहे.
प्राप्त झालेल्या माहितीनुसार, या प्रकरणी आता पोलिसांनी तीन जणांना ताब्यात घेतले आहे. मयताच्या पश्चात आई लिला, वडील हरी बडगुजर, भाऊ अमित आणि दोन बहिणी असा परिवार आहे.
काय आहे सुसाईड नोटमध्ये ?
आई आणा मला माफ करं या वयात मी तुम्हाला नाही ते दुःख देत आहे पण खरचं मी आता खूप थकलो आहे. जेव्हापासुन मला समजायला लागले तेव्हापासून प्रत्येक संकटाला मी सामोरे गेलो, आज नाही तर उद्याचा दिवस माझा राहिलं या आशेवर जगत आलो पण संकट माझा पिच्छा सोडायला तयार नाहीत, मला जगू वाटत होते. तुम्ही आहेत तो पर्यंत तुमच्या सर्व इच्छा पूर्ण करायच्या होत्या. पण, मी किती बदनशिबी माझ्याच इच्छा मी पूर्ण करु शकलो नाही. काय पाप केले होते काय माहित पण मी सर्वांचे चांगले होईल ह्याचं विचाराने जगत आलो, तरी माझ्या वाट्याला असे दुःख यावे,असे संकट यावे, मी माझ्या स्वतच्या. बुध्दीवर आज पर्यंत प्रगती केली पण काही लोकांना माझी प्रगती पाहीली गेली नाही. स्वतः च्या स्वार्था साठी हरेश्र्वर भोई याने काही महिलांचा वापर केला मला एक वर्षापूर्वी सर्व समजले होते. पण, मी दुर्लक्ष करत होतों, माझ्या मरणास हरेश्र्वर भोई यास जबाबदार धरण्यात यावे.
राजु लोखंडे हे फक्तं पैश्यासाठी भोईचे ऐकत होते आणि माझे काही नुकसान केले, यांना फक्तं पैसा प्रिय आहे. पैश्यासाठी वाट्टेल ते करायला तयार असतात, भोई चे ऐकून शरद पाटील, संदिप खेडकर यांनी रुपाली पाटील, सुरेखा पाटील, कोमल जावळे, साधना देशमुख, सीमा पाटील यांनी माझी काही चूक नसताना खोट्या तक्रारी केल्यात, PD ना काही अधिकार नसतांना त्यांनी माझे वैयक्तिक बँक खातेचे तपशील सन 2020 पासून काढले पण त्यात त्यांना काहिच आढळून आले नाही, कारण मी आलेल्या मानधन आणि माझ्या इतर व्यवसायावर वर सर्व व्यवहार करत होतो, त्यामुळे माझ्या आत्महत्येस “हरेश्र्वर भोई, राजु लोखंडे, कोमल जावळे, सुरेखा पाटील, रुपाली पाटील, सीमा पाटील, साधना देशमुख, शरद पाटील, संदिप खेडकर यांना दोषी ठरवण्यात यावे व जो पर्यंत यांना अटक होत नाही तो पर्यंत माझ्या देहास अग्नी डाग देण्यात येऊं नये ही माझी शेवटची ईच्छा” असे नमूद केले आहे.
