धरणगाव ( प्रतिनिधी ) – फोटो व्हायरल करण्याची धमकी देत तीन वर्षांपासून शिक्षकाकडून अल्पवयीन मुलीवर लैंगिक अत्याचार करीत गुरु-शिष्य नात्याला काळिमा फासणारी घटना बुधवारी उघडकीस आली. याप्रकरणी धरणगाव पोलीस ठाण्यात संशयित राहुल जगन्नाथ अहिरे (रा. अमळनेर) याच्याविरुद्ध गुन्हा दाखल करण्यात आला असून त्याला अटक करण्यात आली आहे. तसेच न्यायालयाने त्याला दोन दिवसांची पोलीस कोठडी देखील सुनावली.
पीडित मुलगी ही धरणगाव शहरात वास्तव्यास असून तीन वर्षांपासून म्हणजेच २०२२ मध्ये एका शाळेत शिकत होती. त्यावेळी राहुल अहिरे हा त्या शाळेत शिक्षक म्हणून कार्यरत होते, परंतु त्याचा पीडितेच्या वर्गाशी काहीही एक संबंध नव्हता. परंतु तरी देखील तो पीडितेच्या वर्गाजवळ येवून तिला अश्लिल इशारे करीत अंगलट करण्याचा प्रयत्न करीत होता. पीडितेने याप्रकाराबाबत वाच्यता केल्यास तिच्या कुटुंबियांसह तिच्या भावाला मारुन टाकण्याची देखील धमकी देत होता. तसेच पीडितेचा पिछा करीत होता, तिच्या घरापर्यंत देखील पोहचला होता.
घरापर्यंत पोहचल्यानंतर केली होती मारहाण
पीडितेची आई आणि लहान मुलगी हे वरच्या घरात झोपलेले असतांना, संशयित नराधम शिक्षक राहुल अहिरे हा त्यांच्या घरात शिरला. पीडितेच्या आईने त्याला बघितल्यानंतर त्याने खिडकीतून उडी मारल्यामुळे त्याच्या पायाला गंभीर दुखापत झाली होती. त्यावेळेस त्याला मारहाण केली होती, परंतु त्याने माफी मागितल्यामुळे याबाबत तक्रार दाखल केली नव्हती. गुन्हा दाखल होताच संशयिताला अटक
नैराश्यात असलेल्या पीडितेवर उपचार सुरु असतांना तीला बरे वाटल्यानंतर पीडितेच्या आईने दि. ७ एप्रिल रोजी धरणगाव पोलीसात तक्रार दिली. त्यानुसार संशयित राहुल जगन्नाथ अहिरे यांच्याविरुद्ध पोक्सोअंतर्गत गुन्हा दाखल करण्यात आला आहे. गुन्हा दाखल झाल्यानंतर त्याला अटक करण्यात आली असून त्याला दोन दिवसांची पोलीस कोठडी सुनावली.
शाळा सोडल्यानंतरही देत होता त्रास
पीडितेच्या कुटुंबियांनी तिला विश्वासात घेवून विचारपूस केली असता, तिने संशयित राहुल अहिरे हा तिला सप्टेंबर २०२५ मध्ये त्याच्या घरी घेवून गेला होता. त्याठिकाणी त्याने पीडितेवर लैंगिक अत्याचार केले होते, पीडितेने शाळा सोडल्यानंतर देखील अहिरे हा त्रास देत असल्याचे तक्रारीत नमूद केले आहे.
पीडितेला पाठवित होता अश्विल व्हिडीओ
संशयित शिक्षक राहुल अहिरे याने पीडितेचे गुपचूप फोटो काढून ठेवले होते. ते फोटो व्हायरल करण्याची धमकी देत तो पीडितेकडे वारंवार शरिरसुखाची मागणी करीत होता. तसेच तिला अश्चिल व्हिडीओ देखील पाठवित होता. यासंपुर्ण प्रकारामुळे पीडिता नैराश्यात गेल्यामुळे तिच्यावर उपचार सुरु होते. त्यानंतर देखील संशयित याने डिसेंबर २०२५ मध्ये नवीन आयडी तयार करुन तिच्याकडे शरिर सुखाची मागणी करीत होता.
