धरणगाव (प्रतिनिधी) येथील पी. आर.हायस्कूलच्या राष्ट्रीय छात्रसेनेच्या दहा विद्यार्थ्यांना सन २०२२-२३ या वर्षासाठी मानाची मुख्यमंत्री शिष्यवृत्ती जाहीर झाली असून या शिष्यवृत्तीचे वितरण १८ महाराष्ट्र एनसीसी बटालियन कमांडींग ऑफिसर कर्नल पवन कुमार यांच्या हस्ते होणार आहे.
राष्ट्रीय छत्रसेनेच्या अमरावती ग्रुप मधून सिनिअर व ज्युनिअर डिव्हिजन मधून २१ कडेट्सना ही शिष्यवृत्ती मिळाली असून त्यापैकी जळगाव जिल्ह्यात १८ महाराष्ट्र एनसीसी बटालियनच्या कार्यक्षेत्रात ज्युनिअर डिव्हिजन आणि विंगमधून १३ विद्यार्थ्यांना मुख्यमंत्री शिष्यवृत्ती जाहीर झाली असून पी.आर.हायस्कूलच्या ४ जे.डी कॅसेट्सना व ६ मुलींना हा सन्मान जाहीर झाला आहे. दरवर्षी मुख्यमंत्री शिष्यवृत्ती मिळवण्याचा बहुमान पी.आर.हायस्कूलने कायम ठेवला आहे. भाग्यश्री सोनवणे,पुष्पा महाजन,कोमल माळी,दिपाली माळी,सलोनी चव्हाण, पलक कुमट,विशाल बंशी,स्वप्नील सोनवणे,भूषण कासार आणि ज्ञानेश लोहार या दहा कॅडेट्सची राष्ट्रीय छात्र सेनेत प्रतिष्ठेच्या असलेल्या शिष्यवृत्ती साठी निवड झाली आहे.
छात्रसेनेतील गुणवत्ता,शालेय गुणवत्ता,खेळ,समाज सेवा,सामाजिक व राष्ट्रीय कार्यक्रमातील सहभाग,विविध स्पर्धा,साहसी कार्य,नेतृत्व गुण आदी गुणांचे मूल्यमापन करून ही निवड केली जाते. या कॅडेट्सचे कमांडिंग ऑफिसर कर्नल पवन कुमार ,सुभेदार मेजर प्रेम सिंग यांनी कॅडेट्सचे विशेष अभिनंदन केले आहे. या कॅडेट्सना शाळेचे मुख्याध्यापक डॉ.संजीवकुमार सोनवणे, एनसीसी चिफ ऑफिसर डी.एस. पाटील, मेजर अरुण वळवी,कैलास चौधरी, विनोद हडप,गौरव निमजे यांचे मार्गदर्शन मिळाले.
शिष्यवृत्ती प्राप्त विद्यार्थ्यांचा
पी.आर.हायस्कूल सोसायटीचे अध्यक्ष डॉ.अरुण कुलकर्णी,उपाध्यक्ष वसंतराव गालापुरे,सचिव डॉ.मिलिंद डहाळे संचालक अजय पगरिया, मुख्याध्यापक डॉ.संजीवकुमार सोनवणे, उपमुख्याध्यापिका डॉ. आशा सपकाळे ,पर्यवेक्षक कैलास वाघ यांच्या हस्ते सन्मान करण्यात आला. यावेळी बापू शिरसाठ,धनराज चौधरी,,उमाकांत बोरसे,गणेश सिंह सुर्यवंशी, प्रदीप असोदेकर, यांच्यासह शिक्षक शिक्षकेतर कर्मचारी यांची उपस्थिती होती.
