रावेर (प्रतिनिधी) तालुक्यातील उटखेडा गावातील एका घरातून अज्ञात चोरट्याने रोख रक्कमेसह चांदीचे दागिने, असा एकूण १ लाख ३ हजार रुपयांचा माल चोरी केल्याची घटना उघडकीस आली आहे. याप्रकरणी रावेर पोलीस स्थानकात अज्ञात चोरट्याविरुद्ध गुन्हा दाखल करण्यात आला आहे.
यासंदर्भात मीनाबाई राजू तडवी (वय ४५, रा. उटखेडा प्लॉट भाग ता. रावेर) यांनी दिलेल्या फिर्यादीनुसार, दि. २२ मे २०२२ रोजी कोणीतरी अज्ञात चोरट्यांनी जहांगीर तडवी, राहुल पाटील यांच्या बंद घराचे दरवाजाचे कडीकोंडा लोखंडी टॉमी सारख्या वस्तूने तोडून घरात प्रवेश केला. त्यानंतर घरातील पत्री पेटीत ठेवलेले एक लाख रुपये व चांदीच्या पाटल्या ६ भार वजनाच्या ३ हजार रुपये किंमतीच्या चोरून नेल्या आहेत. याप्रकरणी रावेर पोलीस ठाण्यात अज्ञात चोरट्याविरुद्ध गुन्हा दाखल करण्यात आला असून पुढील तपास पोलीस उपनिरीक्षक सचिन नवले हे करीत आहेत.
