धरणगाव (प्रतिनिधी) तालुक्यातील बोरगाव शिवारात डोकं व दोघं हात नसलेला एका तरुणाचा मृतदेह आढळून आल्यानंतर प्रचंड खळबळ उडाली आहे. घटनास्थळी बिबट्या सदृश्य प्राण्याच्या पायाचे ठसे दिसल्यामुळे हा हा हल्ला बिबट्याने केला असल्याचा प्राथमिक अंदाज पोलीस सूत्रांनी वर्तवला आहे.
या संदर्भात अधिक असे की, पोलीस निरीक्षक पवन दिसले यांना माहिती मिळाली की, बोरगाव शिवारात एका साधारण २२ ते २३ वर्षीय तरुणाचा विच्छिन्न अवस्थेत पडलेला आहे. त्यांनी तात्काळ आपल्या सहकाऱ्यांसह घटनास्थळी धाव घेतली. घटनास्थळी धाव घेतल्यानंतर त्यांच्या लक्षात आलं की तरुणाचे डोकं आणि दोघं हात नाहीयेत. घटनास्थळी आजूबाजूचे निरीक्षण केले असता पोलिसांना बिबट्या सदृश्य प्राण्याच्या पायाचे ठसे दिसून आले. त्यामुळे या तरुणाचा मृत्यू बिबट्याच्या हल्ल्यात झालेला असण्याचा अंदाज वर्तविण्यात येत आहे. दरम्यान, ही घटना साधारण दोन ते चार दिवसांपूर्वी झाल्या असल्याचा अंदाज देखील पोलिसांनी मृतदेहाची अवस्था बघितल्यानंतर व्यक्त केला आहे. दरम्यान पोलीस निरीक्षक पवन देसले यांनी तात्काळ वन विभागाशी संपर्क साधला असून वनविभागाचे पथक ही घटनास्थळी रवाना झाले आहे.
