धरणगाव (प्रतिनिधी) अवैध वाळू वाहतूक डंपर हे एरंडोल तहसील कार्यालयात न नेता तलाठ्याला शिवीगाळ करून धक्काबुक्की केल्याचा प्रकार समोर आला आहे. याप्रकरणी धरणगाव पोलीस स्थानकात दोघांविरुद्ध गुन्हा दाखल करण्यात आला आहे.
यासंदर्भात अधिक असे की, तलाठी दीपक नवनाथ ठोंबरे (वय ३८) हे अवैध वाळु वाहतुक रोखणे कामी वैजनाथ ता. एंरडोल येथे गेले. यावेळी डंपर (क्र.एम.एच.१९ झेड ९१७१) वरील चालक याने त्याच्या ताब्यातील डंपरमध्ये अवैधरित्या वाळू चोरटी वाहतूक करत होता. त्याला तलाठी ठोंबरे यांनी परवाना विचारपुस केली असता त्याने त्याच्या जवळ वाळु वाहतुकबाबत परवाना नसल्याने सांगितले. तसेच डंपर मालक बंटी विकास पाटील (रा. जळगाव) याला वाळुवाहतुक बाबत परवाना विचारले असता त्याच्या जवळ सुध्दा वाळु वाहतुकीचा परवाना नसल्याचे सांगितले. त्यामुळे तलाठी ठोंबरे यांनी वाळूचे डंपर हे एंरडोल तहसिल कार्यालय येथे घेऊन चल असे सांगितले. यावेळी डंपर मालक बंटी विकास पाटील याने तलाठी ठोंबरे यांना शिवागाळ करुन धक्काबुक्की करून ढकलुन दिले. एवढेच नव्हे तर मी सदरचे डंपर घेवून जाणार नाही, तुला जे कारयचे ते कर अशी धमकी दिली. त्यानंतर डंपर तहसील कार्यालयात न नेता पळवून घेवून गेला. अशा प्रकारे डंपर मालक बंटी विकास पाटील याने शासकीय अळथडा निर्माण केला. याप्रकरणी धरणगाव पोलीस स्थानकात डंपर चालक व डंपर मालकाविरुद्ध गुन्हा दाखल करण्यात आला आहे. तसेच पुढील तपास पोहेकाँ विजय चौधरी हे करीत आहेत.
