नंदुरबार (वृत्तसंस्था) पहिल्या पत्नीला फारकत देणार असल्याचे सांगत दुसरी सोबत लग्न केले. धक्कादायक म्हणजे आधीच दोन बायका असताना पुन्हा तिसरीशी घरोबा करून फसवणूक केल्याप्रकरणी एका पोलिस निरीक्षकाविरुद्ध फसवणुकीच्या गुन्हा दाखल करण्यात आलेला आहे.
पोलिस निरीक्षक नितीन सुखदेव चव्हाण (रा. राऊळनगर, दोंडाईचा) असे गुन्हा दाखल करण्यात आलेल्या अधिकाऱ्याचे नाव आहे. पहिल्या पत्नीला फारकत देणार असल्याचे सांगत तळोदा येथील २८ वर्षीय महिलेशी मार्च २०१९ मध्ये लग्न केले. त्यांना एक मुलगीही झाली. त्या महिलेला तळोदा (नंदुरबार) येथे रूम करून दिली. पुन्हा आता तिसऱ्या महिलेशी लग्न करून तळोद्यातील पत्नीला शिवीगाळ करून हाकलून लावत फसवणूक केल्याचा आरोप आहे. पीडितेच्या फिर्यादीवरून पोलिस निरीक्षक नितीन चव्हाण याच्याविरुद्ध गुन्हा दाखल करण्यात आला आहे. दरम्यान, याबाबतचे वृत्त आज ‘लोकमत’ने दिले आहे.
