धुळे (प्रतिनिधी) पती कामानिमित्त मुलांसह बाहेर असताना पत्नीचा धारदार शस्त्राने राहत्या घरातच खून झाल्याची घटना शहरातील देवपूर पश्चिम पोलीस ठाण्याच्या हद्दीत घडली. याप्रकरणी पश्चिम देवपूर पोलिस खूनाचा पुढील तपास करीत आहेत.
याबाबत अधिक असे की, देवपूर पश्चिम पोलीस ठाण्याच्या हद्दीमध्ये असलेल्या जगन्नाथनगर शीतल भिकन पाटील (वय ३२) ही महिला परिवारासोबत वास्तव्यास आहे. महिलेचा पती काही कामानिमित्त मुलांसह बाहेर गेले होते. याच दरम्यान घरामध्ये महिला एकटी असल्याचे बघून संशयिताने महिलेवर धारदार शस्त्राने वार करून हत्या केल्याचे उघडकीस आले आहे. महिलेचा मृतदेह शवविच्छेदनासाठी पाठविण्यात आला आहे. मृत महिलेच्या पतीच्या मित्राने हे कृत्य केल असावे, असा संशय महिलेच्या पतीने व्यक्त केला आहे. परंतु महिलेचा खून कोणी व का केला असावा? यामागील कारण अद्यापही उघडकीस आलेले नसून पश्चिम देवपूर पोलिस खूनाचा पुढील तपास करीत आहेत.
