मुंबई (वृत्तसंस्था) दहावीच्या विद्यार्थ्यांसाठी अत्यंत महत्त्वाची बातमी आहे. उद्या दहावीचा निकाल लागणार आहे. शालेय शिक्षणमंत्री वर्षा गायकवाड यांनी याविषयी माहिती दिली आहे. शालेय शिक्षणमंत्री वर्षा गायकवाड यांनी उद्या दुपारी १ वाजता निकाल जाहीर होणार असल्याचे सांगितलय.
विद्यार्थ्यांना राज्य http://result.mh-ssc.ac.in या संकेतस्थळावर विषयनिहाय मिळालेले गुण संकेतस्थळावर पाहता येईल. राज्य शिक्षण मंडळामार्फत २९ एप्रिल ते २० मे दरम्यान दहावीची लेखी परीक्षा जाहीर करण्यात आली होती. मात्र, कोरोनाच्या वाढत्या संसर्गामुळे ही परीक्षा रद्द करण्यात आली. त्यानुसार दहावीचा निकाल अंतर्गत मूल्यमापनाच्या आधारे जाहीर करण्याचा निर्णय राज्य सरकारने घेतला. त्यानुसार विद्यार्थ्यांचे अंतर्गत मूल्यमापन करण्यासाठी आणि ते संगणक प्रणालीमध्ये नोंदविण्यासाठी माध्यमिक शाळांना २३ जूनपासून ते ९ जुलैपर्यंतची मुदत देण्यात आली. शाळांकडून संगणक प्रणालीमार्फत विद्यार्थ्यांचे गुण विभागीय मंडळाकडे पाठविण्यात आले. त्यानंतर विभागीय मंडळाने शाळांकडून आलेले अंतर्गत गुण एकत्रित करून विद्यार्थ्यांचा अंतिम निकाल तयार करण्यासाठी प्रस्ताव राज्य मंडळाकडे पाठविले. त्यानंतर राज्य स्तरावर १५ जुलैपर्यंत निकाल तयार करण्याची कार्यवाही करण्यात आली.
असा तपासा तुमचा निकाल
अधिकृत महाराष्ट्र निकाल वेबसाइटला भेट द्या. maharashtraeducation.com
मुख्यपृष्ठावरील महाराष्ट्र इयत्ता १० च्या निकालाच्या २०२१ च्या लिंकवर क्लिक करा.
आपणास एका नवीन पृष्ठावर पुनर्निर्देशित केले जाईल.
आपली क्रेडेन्शियल्स टाइप करा आणि लॉग इन करा.
आपला एसएससी निकाल आपल्या स्क्रीनवर दिसून येईल.
संदर्भासाठी निकालाचे प्रिंटआउट डाउनलोड करा.
असं होणार मूल्यांकन
यावर्षी राज्य शिक्षण विभागाने निकालाच्या गणितासाठी पर्यायी मूल्यांकन निकष लावले आहेत. महाराष्ट्र वर्ग दहावीच्या मूल्यांकन निकषानुसार, वर्ग ९ ची वार्षिक परीक्षा आणि दहावीच्या अंतर्गत मूल्यांकन, युनिट टेस्ट आणि प्री-बोर्ड मधील विद्यार्थ्यांच्या कामगिरीच्या आधारे निकाल मोजला जाईल.
