धरणगाव (प्रतिनिधी) येथील महिलेला शिवसेनेच्या राक्षसी प्रवृत्ती कार्यकर्त्यांनी मारहाण, व विनयभंग केला असुन यांच्या निषेधार्थ पिडीत महिलेला न्याय मिळावा यासाठी जिल्हा पोलीस अधीक्षक कार्यालय येथे ऐडिशनल अधिक्षक कुमार चिंता यांना भाजप जिल्हा महानगर महिला आघाडीतर्फे अध्यक्षा दिप्ती चिरमाडे यांच्या नेतृत्वाखाली निवेदन देण्यात आले.
या प्रसंगी दिप्ती चिरमाडे यांनी सांगितले की, पिडीत महिलेला लवकरात लवकर न्याय मिळावा. महिलेला मारहाण करून तिचा विनंयभग करण्यात आला असुन शिवसेनेच्या असुरी प्रवृतीच्या राक्षसांवर कठोरपणे कारवाई झाली पाहिजे अशी मागणी करण्यात आली. अन्यथा महिला आघाडीतर्फे मोठ्या प्रमाणात आंदोलन करण्याचा इशारा देण्यात आला.
या प्रसंगी महिला मोर्चा सरचिटणीस रेखा वर्मा, जिल्हा महानगर उपाध्यक्ष रेखा कुळकरणी, वंदना पाटील, ज्योती निंभोरे, ज्योती राजपूत, सरोज पाठक, छाया सारस्वत, मीनाक्षी पाठक, ओबीसी मोर्चाच्या अध्यक्षा रेखा पाटील, ज्योती तिवारी, ऋतुजा संत यांच्या सह मोठ्या संख्येने महिला पदाधिकारी उपस्थित होत्या.
