जोधपूर (वृत्तसंस्था) जोधपूरमध्ये निर्माणाधीन फॅक्ट्रीची भिंत आणि त्याचा एक भाग अचानक कोसळला. या दुर्घटनेत ८ जणांचा मृत्यू झाला आहे. तर ६ हून अधिक लोक गंभीर जखमी झाले आहेत.
एका रिकाम्या प्लॉटवर बांधकाम सुरू होते. मंगळवारी संध्याकाळी ६ वाजण्याच्या दरम्यान ही दुर्घटना घडली. स्लॅब टाकण्याचे काम सुरू होते. यादरम्यान क्रेन चालकाच्या निष्काळजीपणामुळे भींत कोसळून मोठी दुर्घटना घडली. या दुर्घटनेनंतर, मुख्यमंत्री अशोक गहलोत यांनी मृतांच्या कुटुंबियांना २ लाख आणि जखमींना ४० हजार आर्थिक मदत देण्याची घोषणा केली आहे. माजी मुख्यमंत्री वसुंधरा राजे, माजी उपमुख्यमंत्री सचिन पायलट, केंद्रीय मंत्री गजेंद्र सिंह शेखावत आणि राजस्थान क्रिकेट असोसिएशनचे अध्यक्ष वैभव गहलोत यांच्यासह अनेकांनी ट्विटरवरून या दुर्घटनेत मृत्यू झालेल्यांप्रती दु:ख व्यक्त केले आहे.