जळगाव (प्रतिनिधी) साक्षीदारास धमकी देत चार कोटी रुपयांची खंडणी मागितल्याप्रकरणी माजी विशेष सरकारी वकील अॅड. प्रवीण चव्हाण यांच्यासह पाच संशयितांविरोधात जिल्हापेठ पोलीस ठाण्यात गुन्हा दाखल करण्यात आला आहे.
याप्रकरणीतेजस रवींद्र मोरे (वय ३४) यांनी दिलेल्या तक्रारीनुसार ते १६ नोव्हेंबर रोजी जळगावात आलेले असताना रात्री साडेअकरा वाजेच्या सुमारास शतपावली करीत असताना तोंडाला मास्क लावून आलेल्या चार जणांनी त्यांना अडवून ‘तू समजवून सांगण्याच्या लायकीचा नाही. ४ कोटी दे नाही तर तुला जीवे ठार मारू’ असे म्हणून त्याच्यातील एकाने कॉलर पकडून कानाखाली मारले. या वेळी मोरे यांनी आरडाओरड केली असता ते चौघे महामार्गाच्या दिशेन पळून गेले, या प्रकरणी तेजस मोरे यांच्या तक्रारीवरून चिन्मय प्रविण चव्हाण, अॅड. प्रविण पंडीत चव्हाण, विलास शांतराम आळंदे, निखील विलास आळंदे, स्वप्नील विलास आळंदे या पाच जणांविरुध्द जीवे ठार मारण्याची धमकी देण्यासह मारहाण करणे व इतर कलमान्वये गुन्हा दाखल करण्यात आला असून पुढील तपास सहायक पोलीस निरीक्षक मीरा देशमुख हे करीत आहेत.
