जामनेर (प्रतिनिधी) जामनेर ते बोदवड रोडवरील बाडी फट्याजवळ गुरुवारी दुपारी इंडिका कार आणि ट्रकचा भीषण अपघात झाला. या अपघातात कार चालकाचा जागीच मृत्यू झाला. अपघात एवढा भयंकर होता की, पत्रा कापून चालकाचा मृतदेह काढावा लागला.
या संदर्भात अधिक असे की, मालदाभाडी येथील स्टार फॅक्टरीपासून काही अंतरावर वाडी फाट्याजवळ बोदवडकडून जामनेरकडे येत असलेली इंडिका जामनेर करून जाणाऱ्या ट्रकवर समोरासमोर धडकली. ट्रकवर आदळल्याने इंडिका कारचा अक्षरशः चक्काचूर झाला. या अपघातात मनोज वाघ (रा.लिहा ता. मोताळा) या कार चालकाचा जागीच मृत्यू झाला. अपघात एवढा भयंकर होता की, पत्रा कापून त्यांचा मृतदेह काढावा लागला. अपघात झाल्यानंतर ट्रकने इंडिका गाडीला फरपटत नेले. त्यामुळे इंडिका गाडी चक्काचूर झाली.
अपघात झाल्यानंतर ट्रक चालकाला पोलिसांनी ताब्यात घेतले आहे. तर घटनेची माहिती मिळताच जामनेर व बोदवड पोलिस ठाण्याचे अधिकारी व कर्मचारी घटनास्थळी पोहोचले. मृतदेह जामनेर उपजिल्हा रुग्णालयात आणला असून जखमीना उपचारासाठी जळगाव येथे हलवण्यात आले आहे.
