भुसावळ ः वरणगाव रोडवरील भाऊचा ढाबा या परिसरात संशयितरित्या फिरणार्‍या इम्रान उर्फ मॉडेल रसूल शेख (21, भारत नगर, भुसावळ) यांच्याकडून दोन गावठी पिस्तूल आणि दोन जिवंत काडतूस मिळून सुमारे 52 हजार रुपये किंमतीचा मुद्देमाल बाजारपेठ पोलिसांनी जप्त केला. गेल्या 24 तासात बाजारपेठ पोलिसांनी तीन गावठी पिस्तूल जप्त करण्यात यश मिळवले आहे.
गोपनीय माहितीवरून कारवाई
बाजारपेठ पोलीस स्टेशनचे निरीक्षक राहुल वाघ यांना गावठी पिस्टलाबाबत गोपनीय माहिती मिळाली होती. वरणगाव रोडवरील भाऊचा ढाबा या परिसरात एक व्यक्ती संशयित फिरत असताना पोलिसांनी धाव घेत इमरान शेख यास ताब्यात घेऊन त्याची झडती घेतली असता त्याच्याजवळ दोन गावठी पिस्तूल आणि दोन जिवंत काडतूस असा सुमारे 52 हजार रुपयांचा मुद्देमाल मिळाला.
यांनी केली कारवाई
ही कारवाई डीवायएसपी कृष्णात पिंगळे, बाजारपेठ निरीक्षक राहुल वाघ यांच्या मार्गदर्शनाखाली पोलीस उपनिरीक्षक मंगेश जाधव, महेश चौधरी, प्रशांत सोनार, अमर आढाळे, भूषण चौधरी आदींच्या पथकाने ही कारवाई केली. बाजारपेठ पोलिसांनी गेल्या 24 तासात तीन गावठी पिस्तूल पकडल्यानंतर गुन्हेगारांमध्ये खळबळ उडाली आहे. विधानसभा निवडणुकीच्या पार्श्वभूमीवर पोलिसांची धडक मोहिम सुरू केली आहे.
