श्रीनगर (वृत्तसंस्था) जम्मू-काश्मीरच्या राजौरी जिल्ह्यात नियंत्रण नियंत्रण रेषेपासून (एलओसी) सटी अग्रीम चौकीजवळ शनिवारी पेट्रोलिंगदरम्यान स्फोट झाला. या स्फोटात दोन लष्कराचे दोन जवान शहीद झाले. अधिकाऱ्यांनी ही माहिती दिली.
भारतीय लष्कराने सांगितले की, नौशेरा सेक्टरमध्ये लष्कराचे पथक पेट्रोलिंग करत होते, त्याचवेळी नियंत्रण रेषेजवळ हा स्फोट झाला. या स्फोटात एक लष्करी अधिकारी आणि एक जवान गंभीर जखमी झाले. दोघांनाही रुग्णालयात नेण्यात आले, मात्र उपचारादरम्यान त्यांचा मृत्यू झाला.
भारतीय लष्कराने एका निवेदनात म्हटलं की, शहीद लेफ्टनंट ऋषी कुमार आणि शिपाई मनजीत सिंग हे शूर आणि त्यांच्या सेवेसाठी अत्यंत वचनबद्ध होते. कर्तव्य बजावताना त्यांनी देशासाठी सर्वोच्च बलिदान दिलं आहे. लष्कराच्या व्हाईट नाइट कॉर्प्सने (१६ कॉर्प्स) ट्विटरवर सांगितलं की, “नौशेरा सेक्टरमध्ये पेट्रोलिंग करत असताना माइन स्फोट झाला. या स्फोटात आणखी एक जवान जखमी झाला असून त्याच्यावर उपचार सुरू आहेत.
दोन्ही जवानांचा फोटो शेअर करताना १६ कॉर्प्सनं लिहिलं की, “व्हाइट नाइट कॉर्प्स आणि लष्कराच्या सर्व रँक शूर लेफ्टनंट ऋषी कुमार आणि शिपाई मनजीत सिंग यांना सलाम करतात. ज्यांनी नौशेरा सेक्टरमध्ये नियंत्रण रेषेजवळ कर्तव्य बजावताना सर्वोच्च बलिदान दिलं आहे. सैन्य त्यांच्या कुटुंबियांप्रती शोक व्यक्त करते. लेफ्टनंट ऋषी कुमार हे बिहारमधील बेगुसराय जिल्ह्यातील रहिवासी होते. दुसरीकडे, शिपाई मनजीत सिंग हे पंजाबमधील भटिंडा येथील रहिवासी होते.
