धरणगाव (प्रतिनिधी) चिंचपुरा ते पिंप्री दरम्यान रोडवर दुचाकीला समोरून येणाऱ्या दुचाकीने धडक दिली होती. यात विजय सुरेश चौधरी (वय ३५ वर्षे रा. बोरखेडा ) यांचा मृत्यू झाला आहे. याप्रकरणी धरणगाव पोलिसात एकाविरुद्ध गुन्हा दाखल झाला आहे.
या संदर्भात अधिक असे की, दि.१९ सप्टेंबर रोजी सायंकाळी ६:३० वाजेच्या सुमारास विजय चौधरी हे त्यांची बजाज प्लॅटीना मोटर सायकल (क्रं. MH १९CQ १०४०) हिच्याने मुसळी फाटा येथील कंपनीतून कामावरुन घरी परत जात होते. चिंचपुरा ते पिंप्री दरम्यान रोडवर सांयकाळी ६.३० वाजेच्या सुमारास समोरुन भरधाव वेगात येणारी हिरो पॅशन कंपनीची मोटर सायकल (क्रं. MH १९ CK ७८६१) वरील चालक (नाव गाव माहीत नाही) याने त्याच्या ताब्यातील मोटर सायकल भरधाव वेगात, हयगयीने चालवून विजय यांच्या मोटर सायकलीस कट मारुन त्यांच्या मरणास कारणीभूत ठरला. तसेच अपघाताची खबर न देता पळून गेला. याबाबत मयत विजय चौधरी यांच्या पत्नी राजश्री चौधरी यांनी दिलेल्या फिर्यादीवरून मोटर सायकल (क्रं. MH १९ CK ७८६१) वरील चालकाविरुद्ध गुन्हा दाखल झाला असून पुढील तपास पो.हे.काँ. राजेंद्र कोळी हे करीत आहेत.
