सातारा (वृत्तसंस्था) खासदार उदयनराजे भोसले हे कारमधून प्रवास करत असताना रस्त्याच्या कडेला एक मुलगी पुस्तकं विकत असल्याचं त्यांना दिसलं. लहान वयातच पुस्तक विक्री करणाऱ्या या मुलीला मदत व्हावी, म्हणून उदयनराजेंनी चालकाला गाडी थांबवायला सांगितली आणि तिच्याकडे असणारी सर्वच पुस्तके विकत घेतली. दरम्यान, साताऱ्यातील या घटनेचा व्हिडिओ सोशल मीडियावर व्हायरल झाला असून उदयनराजे भोसले यांच्या कृतीचं कौतुक केलं जात आहे.
भाजप खासदार उदयनराजे भोसले एका पेट्रोल पंपाजवळ पुस्तक विकणाऱ्या मुलीची सर्व पुस्तके खरेदी करताना दिसत आहेत. मिळालेल्या माहितीनुसार, रस्त्याने जात असताना त्यांनी एका लहान मुलीला पुस्तक विकताना पाहिले. त्यानंतर त्यांनी चालकाला गाडी थांबवण्यास सांगितले. यानंतर त्या मुलीला जवळ बोलवले, आणि मुलीजवळ असणारी सर्व पुस्तके विकत घेतली. या पुस्तकांचे त्यांनी अनाथाश्रमातील मुलांना वाटप केले.’
दरम्यान हा व्हिडिओ सोशल मीडियावर चांगलाच व्हायरल झाला आहे. उदयनराजे भोसले या व्हिडिओत भावनिक झाल्याचे पाहायला मिळत आहे. त्या मुलीकडील सर्व पुस्तके, कॅलेंडर विकत घेत तिला पैसे दिले. आणि हे सर्व जवळच असणाऱ्या अनाथ आश्रमात वाटले. हा व्हिडिओ सोशल मीडियावर अनेकांनी शेअर केला आहे.
