जळगाव (प्रतिनिधी) जळगाव लोकसभा मतदार संघातील महाविकास आघाडीचे उमेदवार करण बाळासाहेब पवार-पाटील यांच्या प्रचारार्थ शिवसेना ठाकरे गटाचे पक्षप्रमुख उध्दव ठाकरे यांची जाहीर सभा दि.७ रोजी सायंकाळी ५.३० वाजता जळगाव शहरातील शिवतीर्थ मैदानावर होणार असल्याची माहिती माजी खा. उन्मेश पाटील यांनी आज पत्रकार परिषदेत दिली.
या जाहीर सभेत ज्येष्ठ पत्रकार विश्वम्भर चौधरी, अॅड. असीम सरोदे हे मोदी सरकारची पोलखोल करणार असल्याची माहिती त्यांनी दिली. दरम्यान उध्दव ठाकरेंच्या सभेसाठी जळगावसह खान्देशातील पदाधिकारी, कार्यकर्ते, आणि सर्वसामान्य नागरिक मोठ्या संख्येने उपस्थित राहतील असे उन्मेश पाटील यांनी सांगितले. यावेळी पत्रकार परिषदेस लोकसभा संपर्क प्रमुख डॉ. संजय सावंत उपस्थित होते.
