धरणगाव (प्रतिनिधी) तालुक्यातील अनोरे येथील इयत्ता दहावी वर्गात शिकत असलेली शाळकरी विद्यार्थिनी शर्मिला लक्ष्मण कापडणे हिचे अल्पशा आजाराने दुःखद निधन झाले असून परिसरात हळहळ व्यक्त होत आहे.
मयत शर्मिला कापडणे ही मागील काही दिवसापूर्वी गावालगत असणाऱ्या महादेव मंदिराच्या ओट्यावरून चक्कर आल्याने पडले असता गंभीर दुखापत झाली लागलीच तिला जळगाव व अमळनेर येथील खाजगी रुग्णालयात उपचारासाठी दाखल करण्यात आले होते एक आठवडा उपचार सुरू होता परंतु उपचार सुरू असताना दिनांक ८ फेब्रुवारी रोजी सकाळी ११ वाजेच्या सुमारास दुःखद निधन झाले.
मयत शर्मिला कापडणे ही अनोरे येथील माध्यमिक विद्यालयात इयत्ता १० वी वर्गात शिकत होती. तिची कौटुंबिक परिस्थिती विकट आहे आई-वडील मोल मजुरी करून कुटुंबाचा उदार निर्वाह करीत. तिच्या पश्चात आई वडील सह एक भाऊ आहे. तिच्या या अकाली निधनाने अनोरे परिसरात हळहळ व्यक्त होत आहे.
