नाशिक (वृत्तसंस्था) घरात अंगावर उकळती भाजी पडल्याने गंभीर भाजलेल्या एक वर्षीय चिमुरडीचा आडगाव येथील मविप्र वैद्यकीय महाविद्यालयाच्या रुग्णालयात उपचारादरम्यान मृत्यू झाला. श्रीनिधी गणेश भोसले (वय १, रा. नाशिकरोड) असे मृत झालेल्या चिमुरडीचे नाव आहे.
याप्रकरणी आडगाव पोलीस ठाण्यात आकस्मिक मृत्यूची नोंद करण्यात आली आहे. नाशिकरोड परिसरात राहत्या घरी श्रीनिधीच्या अंगावर उकळती भाजी पडल्याने ती गंभीर जखमी भाजल्याने तिला वैद्यकीय महाविद्यालयात उपचारासाठी दाखल करण्यात आले. तिथे पाच दिवस तिच्यावर उपचार करण्यात आल्यानंतर मध्यरात्री तिचा उपचारादरम्यान मृत्यू झाला.
