जळगाव (प्रतिनिधी) जुन्या आसोदा रस्त्यावर उभी असलेली ट्रॅक्टरची ट्रॉली चोरून नेल्याप्रकरणी अज्ञात चोरट्यांविरुद्ध शनिपेठ पोलीस ठाण्यात गुन्हा दाखल करण्यात आला आहे.
या संदर्भात अधिक असे की, जुने जळगावातील मारोती पेठेत सुभाष काळे कुटूंबियांसह वास्तव्यास आहेत़. कानळदा शिवारात जुना आसोदा रस्त्यावर असलेल्या खळयात त्यांनी शेतीसाठी लागणारे साहित्य, ट्रॅक्टर, ट्रॉली तसेच रोटाव्हेटर, बैलजोडी हे त्यांच्या जुना आसोदा रस्त्यावर असलेल्या खळयात असते़. बुधवारी पहाटे ५ वाजता सालदार भुरा हा त्याच्या घरी जाणार होता़. त्यामुळे सकाळी ६ वाजता सुभाष काळे हे आसोदा रस्त्यावरील खळ्यात आले़. त्यावेळी त्यांना (एम.एच़१९,बीक्यू़१०४८) क्रमांकाची सुमारे चाळीस हजार रूपये किंमतीची ट्रॉली चोरीला गेल्याचे लक्षात आहे. परिसरात शोध घेवून देखील ट्रॉली न मिळून ती चोरी झाल्याची खात्री झाल्यानंतर सुभाष काळे यांनी शनिपेठ पोलीस ठाण्यात गुन्हा दाखल केला.
