सातारा (वृत्तसंस्था) एका पाच वर्षीय मुलावर अनैसर्गिक अत्याचार करून नंतर त्याची हत्या करण्यात आल्याची केल्याची धक्कादायक घटना समोर आली आहे. आरोपीने मोबाइलवर अश्लील चित्रफित पाहून अनैसर्गिक अत्याचार केला. इतकेच नाही तर कुणालाही घडलेला प्रकार कळू नये म्हणून आरोपीने अल्पवयीन मुलाची हत्या केली. धक्कादायक म्हणजे आरोपी हा सुद्धा अल्पवयीन असल्याची माहिती समोर येत आहे.
सातारा तालुका पोलीस ठाण्याच्या हद्दीत ही घटना घडली आहे. या प्रकरणातील आरोपीने मोबाइलवर अश्लील व्हिडीओ पाहून एका पाच वर्षीय मुलावर अनैसर्गिक अत्याचार केला. त्यानंतर कुणालाही घडलेला प्रकार कळू नये म्हणून आरोपीने अल्पवयीन मुलाची हत्या केली. दरम्यान, मंगळवारी (7 डिसेंबर) रोजी ही घटना उघडकीस आली. मृतक मुलाच्या वडिलांना घरातील किचनमध्ये सायंकाळी सात वाजेच्या सुमारास मृतदेह आढळून आला. पीडित मुलाच्या वडिलांनी तात्काळ घडलेला प्रकार पोलिसांना कळवला. पोलिसांनी तात्काळ संबंधित संशयित आरोपीला ताब्यात घेतले आहे. या प्रकरणी सातारा तालुका पोलीस स्टेशनमध्ये गुन्ह्याची नोंद करण्यात आली असून पोलीस अधिक तपास करत आहेत. या घटनेने साताऱ्यात एकच खळबळ उडाली आहे.
